CARMEN AULETTA

AMMORE 'E PISCATORE 

S’affaccia Carmenella ‘a lla fenesta,
lle sbatte ‘o core pe ‘ nu piscatore
ch’ ‘e pisce porta dint’ ‘a na canesta,
smaniuso d’ ‘a vedè ammacaro n’ora.

Cu’ ‘o mare dint’a ll’uocchie e ‘ncopp’ ‘a pella,
sturduto ‘e chist’ammore appassiunato,
‘o piscatore aspetta ‘a Carmenella,
p' 'o desiderio 'e i' all'onne cunnuliato.

Nu ventariello porta addore ‘e mare,
se ‘ncanta pe’st’ammore ch’è sincero.
Luntano na canzona ‘e marenare
ê nnammurate 'ntona nu penziero.

E  chianu sciulia 'a varca de ll'ammore,
vucanno doce doce  ‘ncoppa ll’onne.
S’addormono astrignute core ' a core,
speranno ‘e se ‘ncuntrà pure’int’ ‘o suonne.

Carmen Auletta