Creato da: diadetti il 25/10/2007
dialetto bresciano

Area personale

 

Tag

 

Archivio messaggi

 
 << Marzo 2024 >> 
 
LuMaMeGiVeSaDo
 
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
 
 

Cerca in questo Blog

  Trova
 

FACEBOOK

 
 

Ultime visite al Blog

geometra.karajgs31silviab.79sLaDocentebondoniprimianoalelaprasgiux74gilzeusAlbertodellaterzapao.zanPauliezmafo88enricore79giacomo.luzzuomovero3
 

Ultimi commenti

Molto carino questo post. Ciao da chiocciola
Inviato da: diletta.castelli
il 11/10/2016 alle 15:39
 
hahahahaha giusto una piccola differenza...
Inviato da: topsienne
il 11/06/2012 alle 18:31
 
cent'anni fa ed è ancora attuale
Inviato da: diadetti
il 29/09/2011 alle 18:49
 
sei sempre così dolce col tuo papy che mi fai quasi...
Inviato da: diadetti
il 03/02/2008 alle 22:40
 
Sei sempre il mio poeta preferito!!! Baci baqci la tua topo!
Inviato da: topsienne
il 01/02/2008 alle 10:14
 
 

Chi può scrivere sul blog

Solo l'autore può pubblicare messaggi in questo Blog e tutti gli utenti registrati possono pubblicare commenti.
 
RSS (Really simple syndication) Feed Atom
 
 

 

 

che fera che l'era ( a san Faüstì )

Post n°84 pubblicato il 17 Febbraio 2012 da diadetti

Me ricorde che, quand sìre zuinòt,

partìe dal paés vers al bòt,

en treno, vint minücc a rìà 'n stassiù,

e oter vint al slarg de Furmintù.

E zà da lé ona fiömana de zènt

dré a la rìa pö ìa de Brèssa,

la me strinzìa, e mé sìe contènt;

pò, a passitì picinì, sensa frèssa,

fàe passà i banchècc de la féra

pian pianì, tra la zènt, chèla véra.

Che cincel! De culur, de udur e de us:

tajaverdüre che i par miraculus,

pomàte dei dulur; e chèi balunsì

che le màme ga compra ai s'citì,

pò i ghe scapa da le mà e i vula 'n ciél,

e sté pütì che pians e i fa de bel.

E 'l stràs de frigà 'n tèra che de sul

el nèta i paimèncc quasi 'n d'en vul;

e 'l cöntastórie co la sò fisa 'n ma,

e la carmelitana col papagalì che dà

el biglitì de la fürtüna coi nömer

del lòt sücür, e ghè quac cöcömer

che se fa 'ntorcià col pac napoletà:

ma som en féra, proncc a fas fregà.

An del pal che té sö l'umbrilù

en do' che i vend tirapicio e turù,

ghè 'mpiéntat on rampì per tirà

la mezana de melòt e de söcher

che sa mola e sa strens per deéntà

tate stéche turzide de böcher.

E 'l stéchet con de 'l söcher filat

el par on nigol bianc de bombas,

'na bontà, quand che 'l s'è deleguat

ne la boca, söl barbos e söl nas.

El rosolio de le bussitine,

i züchì e le mandole ambruzine,

biline e patuna e stringhe négre,

e file de zènt semper pö pégre.

San Faüstì e Gioìta, la spada 'n ma,

en tra de lur chissà che i disarà.

 

 
Condividi e segnala Condividi e segnala - permalink - Segnala abuso
 
 

L'indenità ( da Trilussa, 1913 )

Post n°83 pubblicato il 03 Dicembre 2011 da diadetti

Adès, al Parlament nassional,

ogni rapresentant del Paés

sét cose 'l ciapä? Désmilä euri al més:

sèntvintmila a l'àn... l'è migä mal!

 

Chi ga i-à dà? Noalter: l'è natüral!

'Ndè la pagä, però, ghè zà comprésé

le upiniù politiché e le spésé

per sostègner la féde e l'ideal.

 

Chèi che i pödares fa' sensä,

perchè i-è siòr e i gà la robä al sul,

i i-à spendarà en beneficensä.

 

Él mé, 'nfati, 'l ga i-à dà, ma par,

al Pro-Istituto de le Fomné sùle,

perchè le gà bisògn de quàc compar...

 

 
Condividi e segnala Condividi e segnala - permalink - Segnala abuso
 
 

al sentiment ( da Trilussa, 1914 )

Post n°82 pubblicato il 03 Dicembre 2011 da diadetti

Ona óltä on Pissù 'l ga fa al sò s'cèt:

 - Prim de lassà 'l nì e vulà 'n gir,

bisognä che te faghe on discorsèt.

Stà atento a l'òm! 'L te darà la caciä

perchè l'è on bojàciä: ma, se tat per fa'

ta ghe tóchet el cör e la sensibilità,

ga vé i öcc ràs, e i-à sügä co la ma'.

Potä però, se ta capétä de nagä a tir,

digä che ta ghé la fomnä che ta spetä...

lü 'l ta coparà miä, perchè 'l rispetä

'l sentiment de amur de la famìä.

Se chèsto nó 'l fa' efèt, ta ga disaré

che, a fa' 'l Pissù viazadur,

ta podaré salvà la Patriä dai guai;

deànti al patriotismo

el sa àssä 'ndà e 'n de la mènt

'l pensä al Risorgimènt,

e a l'altruismo.

Se l'è migä assé, dì che ta sét parènt

del Spirito Santo, che l'è on Pissù:

sul al pénsér de la religiù

el ta cüsinarà migä, sicüramènt:

ma... àrdä che 'l gabe fat colassiù!

 

 
Condividi e segnala Condividi e segnala - permalink - Segnala abuso
 
 

la guidä ( traduzione da Trilussa )

Post n°81 pubblicato il 20 Novembre 2011 da diadetti

Chélä icinä cécä, che gó 'ncontrat

la not che ma sìe pèrs an mès al bósc,

la m'ìä dit: - Se la stradä ta sé' désméntégat,

ta compagnaró mé, che la conósse al fósc.

 

Se ta garé' la fórsä de ignìm de rènt,

de sét per sét mé ta daró ona ùs,

fin là 'n fónt, 'ndó ghè 'l siprès al vènt,

finä là 'nsimä, endó che ghè la crùs... -

 

Mé ghìé rispundit: - Sarà érä, sarà,

che ma podès guidà chi nó gà ède... -

La cécä, aliurä, la m'à ciapàt la mà

e sospirat: - Caminä! - (...l'ìä la Féde.)

 
Condividi e segnala Condividi e segnala - permalink - Segnala abuso
 
 

Pepi, 'ncàpelet! ( la statua del monumento ai Caduti, il Pasquino di Bagnolo )

Post n°80 pubblicato il 27 Ottobre 2011 da diadetti

O Pepi, só amó ciarìt

da quand che gà insìt

al Pidielle e Legä

co podèt e motosegä

de bröt i s'è ambiacc

a stongià zó i bei pracc

dei nos giardì comunai

le "sciènse dei bu tai"

compàgn del Barbarossä

le passä a la riscossä:

le albére sipressine

ma par che i i-à ruìne,

come sö la rotondä

per Ghét, 'ndó bondä

en quàc rèst spélés

de chèlä che l'ìä 'na sés;

se pò nó a vardà

cose che l'è che i fa

nel campo cultural...

ma vé fin de stà mal!

O Pepi però, ogni tat,

pröä àc a té a ultat.

 
Condividi e segnala Condividi e segnala - permalink - Segnala abuso
 
 
« Precedenti Successivi »

© Italiaonline S.p.A. 2024Direzione e coordinamento di Libero Acquisition S.á r.l.P. IVA 03970540963