I VIDEO DEI FIOI
|
Post n°860 pubblicato il 03 Dicembre 2009 da fioi_de_maser
Innanzitutto devo scusarmi con tutti i fioi e e fioe per questa grande assenza dal nostro giornale, ma cause lavorative o piu' semplicemente la poca vena mi hanno sottratto alle mie usuali (passate) scritture. Devo tornare però prepotentemente a segnalare un evento molto importante, quasi quasi fà un baffo ai prossimi mondiali e persino al fatidico 2012 del calendario maya... Sto parlando del mitico ULTIMATUM al nostro grande CASABIANCA. Detto in questi termini a molti di voi il significato è oscuro, presto data una spiegazione. |
Condividi e segnala |
Post n°859 pubblicato il 17 Novembre 2009 da fioi_de_maser
E’ si, de tut se podeva spetarse, solche settanta dì dopo el fatidico si, solche settanta dì dopo lagreme e lagremete, solche settanta dì dopo sorrisi e oci solche par lu. Tut se podeva spetarse da na figura cussì dolce e graziosa, de na calma e tranquiità davvero esemplare, che gnanca el miglior Poeacco dei tempi d’oro ghe rivarie comodo. E’ si, solche diese dì fa i festeggiava el secondo mesiversario de matrimonio, e già domenega de sera rimbombava a triste sentenza in oggetto! Perlopiù pronnunciada in diaetto da na donzella che el diaetto lo usa davvero raramente! Frase che val doppio se pensè da dove che le vegnista fora, e cioè na ragazza sempre pacata, mai sora e righe, a classica persona che se te ghe pesti un piè a te domanda scusa! Ma tornon al contesto dea serata che ha spinto a fanciulla innominabile a lanciar sto sas, o forse sta croda sul stagno…. A serata se svolgea a Maser, dadrio a piazza nova in costrussion, si insomma, in uno dei eventi IN del domiaenove, l’inaugurazion dea nova dimora del Panama New Style! Sarà che i metri calpestabili no i mancava, sarà che a taverna iera davvero granda, sarà el viero che la divideva da a cantina, sarà e butiglie d’annata intassae sue scanzie, sarà a compagnia giusta…..fattostà che el nostro consoe in question, che no se pol far nomi, l’ha butà su marce e, verdi un prosecchin, verdaghine nantro, assaia sto cartizze, senti qua quel dea villa, proa szercar el col dei lupi de so amiga de Bonora (e che amiga), ma vin moro qua gnent?, prova do marasche soto graspa, senti che boni i ciocoeatin col rum………sta el fato che a ogni sgorlada, se dontava un per de dent sul sorriso del nostro sposetto! E savon tuti che quando le su de giri alcoici, el consoe in question (guai chi che fa nomi) el scumissia coi discorsi a dir poc spermatozoici: “ Cossa ve iommagineu dadrio sto viero qua, ma se te meti do euro su sta lastra te fai el spetacoin, Bonora, ciama to amiga che vedon sde funziona…..e altre robe volutamente censurae!! Nessun problema finchè tut restava dentro a caneva tra omeni, magari so mama del Panama qualcosa l’ha sentio, ma cossa vutu, vedendo i morti sora a toea, iera el minimo! E rogne invezze le scumissiae quando a tosetta le ndata do par e scae par far do ciacoe in compagnia del maritino. Già co lo ha vist da distante ghe è vegnù un poc de magon, na scianta de sconforto, vutu vedar ti cossa che el ghe avea promesso lu a quattro oci. Ma quando le entrada in caneva e, già un poc storta dal grado alcoico che girava par aria, a se ha sentio tirada in medo su una dee battutine no a ghe ha pi vist e, forse a dent stretti, forse già un po’ sentendose in colpa, o forse magari dreta par dreta senza pensarghe sora ha ghe ha sputà in faccia si tal sentenza riportada in titolo. Immagineve a scena; in na serata de gran casin da no sentirse co te parli, ea l’ha alzà un attimin a vos par farse sentir da lu, peccà che l’apie beccà l’unico momento de sienzio generae, tant da rendar tutti partecipi dea risposta! RISULTATO: recione basse, saeuda tutti ae svelter e casa de corsa a lavar i panni sporchi!
Ovviamnete nomi no se pol farghine e qualsiasi riferimento a fatti, cose o persone le da ritegnarse puramente…….attendibie!!
In fede SERVIZISEGRETIKROATOSLAVI |
|
Post n°858 pubblicato il 11 Novembre 2009 da fioi_de_maser
Vista a passion che lega gran parte dei giornalisti qua de sto giornaet teematico, in modo più o meno agonistico-passionae, tant che el consoe american l’avea creà (vedi post nr.638) dee vere e proprie categorie ben distinte e separate! Ma cussì tant separae che un punto de unione sembrarie davvero impossibie catarlo!! Inveze no, el bon Kroato (mi medesimo) l’ha trovà qualcossa, ovviamente inerente ae scarpe bianche, che pol far sentar insieme su a stessa toea un performante a un indifferente, e magari a far do ciacoe co uno dei condizionati, magari bevendo na birretta co un ex performante! Ebbene si, l’impossibie pol diventar fattibie, quasi come a neve in Agosto! Qual migliore occasion de unir e varie caste dee scarpe bianche, se non co un incontro cinematografico, altra passion intrinseca dei na bona parte del gruppo! E perché no sentarse insieme davanti a na tivision par vedar un film sue scarpe bianche…….se unirie proprio tutte e passion varie in un unico momento, cussì ghe sarie chi che discute sua prestazion dell’atleta e chi che commentarie a bravura del regista o se a coeonna sonora a sona ben! Eccome qua eora col film-documentario de uno dei miti dea corsa estrema in natura! Uno che nonostante e 60 barettone che l’ha sul groppon el masna pi kiometri de tute e angurie che magna el nostro W in periodo estivo! Se parla ovviamente del grandissimo Marco Olmo, inizialmente famoso par i cerotti chel meteva sui denocci, ma capace de trionfar a quasi 60 anni su una dee corse pi dure del mondo! Vista a misera 29 pollici che le puiada sul me mobie in saeotto, son ben disposto a portar el dvd a casa de qualcuni che posse farme vedar figure e paesaggi un po’ pi grandi! Sperando che qualcuni accoglie a proposta ve mande tanti saeudi…………… ………..KROATOSCARPEBIANCHECINEMATOGRAFO!!!! |
|
Post n°857 pubblicato il 09 Settembre 2009 da fioi_de_maser
.......FINE.... |
|
Post n°856 pubblicato il 09 Settembre 2009 da fioi_de_maser
....FINE.... |
|
Post n°855 pubblicato il 09 Settembre 2009 da fioi_de_maser
............DOPO.... |
|
Post n°854 pubblicato il 09 Settembre 2009 da fioi_de_maser
.......DURANTE.... |
|
Post n°853 pubblicato il 09 Settembre 2009 da fioi_de_maser
.......MENTRE.... |
|
Post n°852 pubblicato il 09 Settembre 2009 da fioi_de_maser
....... |
|
Post n°851 pubblicato il 09 Settembre 2009 da fioi_de_maser
........NO PARCHE' IN OCCASION DEL MATRIMONIO DANIMARCA SABATO SCORSO EL BON COMPARE HONDURAS LE STAT SOLIDALE E PARTECIPE COL COMPARE ASSOUTAMENTE GNENT DA DIR..... |
|
Post n°850 pubblicato il 25 Giugno 2009 da fioi_de_maser
21/06/09 ore 6.42 col peso forma di kg 2,750 E' NATA .... ED, AL MOMENTO IN CUI STO SCRIVENDO, E' ANCHE GIA' STATA FESTEGGIATA LA PICCOLA AURORA BONORA-PANAMA.... GHE NE POC DA DIR MA LA E A PI BEA CHE IN STO MOMENTO TE POL VEDAR AL NIDO A MONTEBELLUNA ... SE PARLA GIà DE DIVERSI CONTATTI CON I VARI OLIVIERO TOSCANI PER LE PROSSIME CAMPAGNE PUBBLICITARIE DA AFFIGGERE IN TUTTI GLI AEROPORTI DEL MONDO. UNICO PROBLEMA ....IL CONSOLATO PANAMENSE CHE LA VUOLE TENERE STRETTA E USARLA COME BIMBA IMMAGINE PER LA NAZIONE ... UN PO' COME A MICHELLE BUNDECHER CHE A ME PUBBLICIZZA CALZEDONIA MA SE SCHIVANEA ANCA L'AUSTRALIA SO PAESE DE ORIGINE... UN RINGRAZIAMENTO A TUTTI I FIOI QUEI CHE IN PRIMA SERATA I SE VEGNUI A CATARLA E DOPO A FESTEGGIARLA... P.S. PER CHI VOLESSE CHIEDERE LA MANO DELLA PICCOLA VE RICORDE CHE SON PEDO DEI TERONI..... e me tocara tirarme capeani in casa...
|
|
Post n°849 pubblicato il 23 Giugno 2009 da fioi_de_maser
Le ufficiae, no ghi ne pi dubbi, no serve pi domanarghe a qualcuni in disparte par no farse sentir, perché ormai i o sa tutti! Da Bruno e da a Valentina no se parla d’altro, le sua bocca de tutti che Armando dei Bartagn, pi conossuo come mister Lobanowsky, dopo el fiol ghe toca vedar scampar anca el denaro! Scampar da chi? Beh, dal C.A. MASER! Su radio maser a notizia a girava un po’ da temp, ma vendre passà indovinè chi che là dat l’apertura ufficiae del torneo de calcetto del C.A. CORNUDA? El me pareva Anna Falchi che da l’inizio dea partita del cuore! Eh si, prima dea prima partia le stat presentà dal neo presidente Piva, che par l’occasion l’aveva i boccoi pena fatti, co Ezio Martignago da spalla, content come na pasqua! Dai spalti ghe rivà un baeon, stop approssimativo, do medi palleggi intorti e dopo là provà rilanciarla, ma del baeon no ghi ne pi traccia, le spario in medo e casa drio el campo! Son proprio drio parlar del Slavo, alias Johnny pitor! Un po’ come Aldo Serena le passà par juve, inter e milan, anca el nostro consoe dei balcani le passà par Coste (ricordà soprattutto par el celebre calendario), Maser (titolo compreso) e ades o vedaron dugar sotto el campanil de Cornuda! A dir el vero già l’anno passà, mister Marin, co un blitz degno dei parà dea Folgore, el ghe aveva cavà a penna dae man proprio intanto che el iera drio firmarghe el contratto a Gnoe fora del consoeato Slavo (Bartagn)! Sto anno però no ghi ne stat gnent da far, no ghi ne stat modo de cavarghe l’inchiostro da a penna! El presidentissimo Ciano in realtà, el credeva che el nostro pilastro difensivo el tornasse suito indrio, mai e poi mai el credeva che el passasse e visite mediche. Par impossibile infatti che no i se appie incort de caviglie, spae e denocci ciapai davero coe bombe! Voci de corridoio parla anca che el grandissimo Michele dei Borlina nol fusse proprio favorevole al passaggio, minacciando quasi el ritiro! L’ EOS infatti (studio medico gestio proprio dal centrocampista cornudese) la stimà a perdita in circa 3-4 milioni de euro, tra visite, visitine, massaggi, risonanze magnetiche, fisioterapie, ultrasuoni, pranoterapie, sedute spiritiche e chissà cosa, che ades ghe toccare farghe a gratis! Intanto , ieri matina a Maser, fora del consoeato Honduregno (sede del capitano maserino) le comparso un strisson co scrit: “ UN SALUTO AL MERCENARIO”. Fora dal consoeato danese se ledeva invece :” VA DOVE TI PORTA……IL PENNELLO” . sul consoeato gallese invece campeggiava na strana scritta: “ VEGNE ANCA MI “. Dal blog dei fioi voeon però mandarghe un amichevole avvertimento ai avversari Gnoe e company: fe attension perché Aldo Serena le passà anca par Torino! SANI……….MINORAIOLAKROATO |
|
Post n°848 pubblicato il 20 Aprile 2009 da fioi_de_maser
Cara Loretta da de sotto de Treviso, alias Alfa Spider, alias grandissima "AMIGA" del Dabbliu, alias ex ma molto ex new entry dee scarpe bianche, permettame de assarte do righette qua sul nostro giornal, el tut riguardo aa to partecipazion aa corsa forse più amata dal gruppo dei fioi, vale a dire a DUE ROCCHE de Sabato prossimo 25 Aprile... Me par ieri che te si vegnua co mi e Giorgio manco de un anno fa a partecipar a 'na corsa a Pove del Grappa (Maratona del Grappa) de domenega mattina, e te te portavi drio 'na preoccupassion vorìe dir quasi caratteristica dee prime volte, "solche" e des te pol dirlo ti e podon dirlo noaltri, "solche" par portar a termine a 6Km..."Ma Giorgio, sei sicuro che ce la faccio? No, guarda che io una corsa cosìnon l'ho mai fatta....etc....etc...." E des, sensa se e e sensa ma, co chel briciolo de arrogansa che ghe vol, quasi par sopperir aa mancata partecipassion del to amigo numaro uno aa corsa de Cornuda, te ghe raccomandi de iscrivarte......aa mezza maratona....!!! A essar sincero, son sempre stat aggiornà, dal bon Giorgio, sua to escalation prestazionae (scarpe bianche) durante a stagion invernae, se parla de su e do par S.Giorgio e trincee come fumar 'na tzigaretta, ma mai avarìe pensà che te te presentassi qua a Cornuda co si tal sicuressa nei to mezzi... Te dirò che ciò me inorgoglisce 'na scianta anca mi, visto che co te è partecipà aa to prima corsa podistica mi ere presente... Dopo tutto questo voeve dirte che 21,097 Km no i e biscottin, ma so che ti te affrontarè el tut co grandissimo rispetto; a tal proposito, come che te pol vedar sua foto, te ricorde (ma forse te o se già), che el pettoral dea 21 Km e quel dea 12 Km, i ha do coeori diversi......assa che te dise che al momento dea partensa el pettoral "diverso" el sarà un medo macigno, ma dopo poc pi de do orette el te regaearà 'na soddisfassion quasi unica... E par finir cosse posse dirte...? Beh, intanto che se vedon Sabo de mattina aa partenza, che me despiase no farte compagnia sul percorso "lungo" e, come ultima, ma sicuramente pi importante te dise:"BENVENUTA TRA I PERFORMANTI!" Un baso, Dennmark... |
|
Post n°846 pubblicato il 10 Aprile 2009 da fioi_de_maser
E' si, come promesso ieri, no se pol asar passar el si tal comportamento, che già dal titol no l'avarie bisogno de spiegazion, del compare de quel che l'avea sbaglià el rigore un articol fa'! El paragon ghe sta tut: l'hondureno infatti le ormai na diesina de anni che el speta in trepidazion de farghe da compare....ogni anno el ghe da aria al vestito, el stira a cravatta, el lucida e scarpe, ma ogni volta ghe toca nar comprar da duilio a soita confezion de naftaina....tant che ormai anca e travi e tuti i mobiii che la casa no i a pi paura dee tarme!!!!!! Ma tornon a noantri.....se el bon signor ghe a dita a giuda " caro amico prima che il gallo canti mi avrai tradito tre volte ", el bon consoe Hondureno el podarie, un anno fa circa, quando che el danese che preannunciava e nozze; averghe dita " Caro compare, prima di giungere all'altare mi tradirai tre volte ". el giuda compare sicuramente ghe avarie risposto che sarie stat impossibie!!!! E inveze, a sagra scumissia a giugno , iscrizion al transcivetta dopo na serie de promesse riva el mega pacco indirizza' la visin protti! "e uno " l'avarie pensà l'hondu. Dopo quasi un anno, le rivà a seconda botta! l'altra sera infatti, pena sbaglià el rigore, el capitano triste e affranto l'ha tirà dret in spogliatoio senza sgnanca alzar a testa, el danese inveze l'avea na bocca cusi piena de dent che i fari del campo i parea lampadine 30 watt. Tuti ghe dava a man ai avversari, lu inveze li brazzava. Rivà in spogliatoio el ghe a dat un baset all'hondu e dopo, soto a docia ancora sagra, sempre ovviamente ai danni del compare!!!!! " e due" l'avarà pensa el capitano! Caro thomas, manca cossa, pochi mesi, poche settimane, pochi dì al matrimonio..........beh, no vorie essar al posto to, perchè no savarie cossa poderme spetar come terzo e speron ultimo atto del bon giudacomparedanese! SANISSIMI....... ........KROATOBIBLICO!!!!!!! |
|
Post n°845 pubblicato il 09 Aprile 2009 da fioi_de_maser
Cosa dir.........dopo a lotteria dei rigori che ieri sera l'ha tremendamente sbatù fora daea coppa i amatori maser, no pol no restar in ment el gesto atletico (veramente l'avea poc de atletico) simbolo dea serata.....l'attimo che te te stampi in testa e che nol te va pi via! Ovviamente se parla del rigore sbaglià dal capitano dea squadra, alias hondureno! Tuti se spetava de vedarlo sue spae de mister marin a domandar perdono, a dir "cazzo ere convinto de farlo!!!!!!!". Ma cusì no le stat, anca perchè sarie stata na busia. tornon infatti indrio de 10 minuti: triplice fischio finale........bisogna decidar chi che bate i rigori........subito el bon hondu, da vero capitano, se lancia " mi tire l'ultimo rigore ".......a fadiga se donta chealtri 4........ok....i zinque se porta in medo al campo e qua scumissia i 6 minuti che vaeva quant a notte dell'innominato dei promessi sposi: scumissia e scaldanee del capitano che in sequenza disse: "chi eo che tira el primo? vutu che o tire suito mi? no dai tire el quinto.........Pippo vutu tirar ti par ultimo.........no dai o tire mi.............qualcuni vol tirar el quinto al posto meo?..........no dai o tire mi!!!!!!!!!" appurà chel doveva tirarlo par ultimo el cambia repentinamente discorso: " dio bel da che banda o tire.....speta che varde el portier........madonna el se buta ben..........gallo dove o tiritu ti?" A chel punto ghe avon fat presente un po in coro de decidar prima de rivar davanti l'arbitro.........va ben dai el se invia verso a porta co animo davvero in subbuglio....el sistema el baeon, el fa un pochi de pas indrio e son convinto che a chel punto là a porta le diventada sempre pi cea e el portier sempre pi grant! Rincorsa titubante...........e..............CANNUCCE........palla alle stelle! addio Sogni di gloria! Ve risparmi i vari sfottò che la dovuo subir sotto a doccia. Per quanto riguarda el comportamento de so compare Deanese ve rimande a un prossimo articol! E' si, dopo Aldo Serena, Roberto Donadoni, Franco Baresi, Robero Baggio, Gigi Di Biagio, Toto' Di Natale caro HONDURENO le rivà mestamente el to turno!!!!!!!!! DISPIACEREKROATO!!!!!!!!!
|
|
Post n°844 pubblicato il 20 Marzo 2009 da fioi_de_maser
BECCHEVE STI VIDEO: 1° TEMPO http://www.youtube.com/watch?v=eIbBV2swD0g 2° TEMPO http://www.youtube.com/watch?v=AAmfI7SAc0Y&feature=related GRANDISSIMO SMARTY...COSA TE PAR? SANISSIMI KROATOCINEMATOGRAFICO |
|
Post n°843 pubblicato il 18 Febbraio 2009 da fioi_de_maser
INDISCUTIBILMENTE E INEQUIVOCABILMENTE A NOTISSIA PI NOTISSIA DE IERI SERA LE STAT EL FIDANZAMENTO DE RENZO DEI NARDI.....NOTIZZIA INDISCUTIBILMENTE IMPREZIOSITA CHE L'APPROPINQUAMENTO SIA STAT FAT PROPRIO ALL'INTERNO DEL PAESE DE MASER....SI INSOMMA SEMBRA PROPRIO CHE EL NOSTRO EROE IN OCCASION DE NA SETTIMANA DE LAVORI DE POSIZIONAMENTO DEL CAPPOTTO ISOEANTE DELL'ABITASSION IN QUEL DE BETTO IN VIA MARCONI POSSA AVER UNITO UTILE E DILETTEVOLE CONVOGLIANDO IN FIDANZAMENTO PRESSOCHE' UFFICIALE CON FRANCESCA DEI BETTO. DOPO NA SETTIMANA DE PASTURAMENT E DE ADEGUATA SEMINA EL TOSAT DEI NARDI POSSA AVER COLTO AL VOEO UN MINIMO CEDIMENTO DE A TOSETTINA PROPONENDO NA USCITINA IN PRIMA BATTUA A SERA STESSA PER UN CAFFE'......DIR EL VERO SE SE FOSSE TRATTA' DE UN SEMPLICE ASSAGGIO DELL'INFUSO SUDAMERICANO BASTAVA CHE IN DASSE 100 METRI A NORD EL BON MARIO DEI BITTANTE NOL PODEVA SOTTRARSE DE SERVIR SI TAL BEVANDA.....E INVENSE OVVIAMENTE IN GRANDISSIMA ELEGANSA A COPPIETTA A ZE NDATTA IN PIASSA DEI SIGNORI DO A TREVISO GIUST PAR NO SPARAGNAR.....INSOMMA I ZE ORAMAI SIE MESI CHE I TOSATTEI I ZE DRIO APPROPINQUARSE QUASI IN MANIERA UFFICIAE.....E DOMENEGA I ZE NDATTI FARSE NA CAMINADA SU PAR E NOSTRE COLLINE IN GRANDISSIMA TRANQUIITA' COME NA COPPIETTA CONSOIDATISSIMA....ZIO BILLY ME RICORDE COME FUSSE IERI CHE IERA EL 1998 EL GRANDISSIMO GIANFINESTRA IN OCCASION DE LAVORI DE TINTEGGIATURA IN QUEL DE CORNUDA NO SE GAO TROVA' A FAR EL GRAFFIATO SU A TERRAZZA DE UN APPARTAMENTO E , SFRUTTANDO A PARLANTINA CHE CONTRADDISTINGUE DA SEMPRE A CATEGORIA E PROFESSION DEI PITTORI EL GA COMINCIA' A BROCCOEAR A FEMMINUCCIA CHE ABITAVA SORA A TERRAZZA....E DOPO UN NO PARCHE'.....SI TE HA RAZON MA......SI MA BISOGNA VEDAR CHE.....EL DI DOPO A TOSATTA A SE HA TROVA' CO UN MAZ DE ROSE SORA EL TAVOIN DEL SAEOTTO.....VE INFORME CHE ANCA EL GIANFINESTRA EL GA DAT UN SEGUITO AE ROSE...SEMPRE IN GRANDISSIMA ELEGANZA....ANCHE SPERMATOZOICA......CASA DELLA BIANCHISSIMA. |
|
Post n°842 pubblicato il 10 Febbraio 2009 da fioi_de_maser
|
|
Post n°841 pubblicato il 08 Febbraio 2009 da fioi_de_maser
CARO MARIO SO CHE STE DO RIGHETTE CHE TE SCRIVE QUA SUL NOSTRO GIORNAL PAR A TERZA VOLTA E FINIRA' NELL'INUTILITA' E DIMENTICATOIO MA SENTE EL DOVER DE FAR EL ME DOVER QUASI A AFFERMAR......EPPURE TE L'AVEE DITTA.....SABO DE SERA CO HO VIST TO DENERO SCIACALLO DEI POEONI CHE VERSO E OTTO DE SERA EL PARTIVA DAL PARCHEGGIO CO A TO TOSETTINA HO PROVA' NA FORMA....QUASI DE NOSTALGIA.....QUASI UN NAVOLTA E ROBE E IERA DIVERSE....QUASI AVEN PERSO VALORI E AFFINI.....SI INSOMMA NA FORMA QUASI DE AMMIRASSION VERSO I VERI E SCRIVE VERI E RIPETE VERI "SPINGITORI DE BANCO IN LOVE " DE A STORIA QUASI RECENTE DE MASER...SI PARCHE' IN TEMPI ANDATI I VARI MARIO L'INDIAN....ORTENSIO DEI GAINA.....MARIO DEI SILVESTRI MAI E POI MAI I PARTIVA E LASCIAVA DE SABO DE SERA EL POSTO DE LAVORO PROPRIO NEL MOMENTO DE LAVORO DE MASSIMA PREPARASSION AA CONFUSION.....SEMMAI I ME COMISSIAVA PROPRIO A CHE L'ORA LA E CO GRANCALMA PRIMA I ME PARTIVA CO UN CAFFE' QUASI EL FUSSE UN BUONASERA E UN CIAO SON RIVA' AE RISPETTIVE KETTY E DONATELLA DEI FIORENZATO, E DOPO CO GRANDISSIMA UMILTA' NA LETTA AA TRIBUNA DE TREVISO, NA SCIROPPADA DE GAZZETTIN E SE GHE IERA UN SGUINZ DE ENERGIA NA PASSADINA AL GIORNAL ROSA..... GIUST PAR TRAGHETTARSE E PRIME DO ORETTE.... E DOPO SEMPRE CO GRANDISSIMA UMILTA' I PARTECIPAVA CO RUOLO ATTIVO A TUTTE E DISCUSSION CHE I VARI CICCIO DEI FODAT , CHICCO DEI GAINA O MARIO DEI SEMIN I PODEVA METTAR SORA EL BANCON. DES SCUSAME MARIO DEI BITTANTE CO VEDE EL TOSAT DE BERTO DEI POEONNI SENTA' LA A CAPOTOEA CO NA CORONA IN MAN ( CHE OVVIAMENTE NOL PAGA ) EL FA I SO PORCHI E SPORCHI COMODI E DOPO CO LE ORA DE STAR LA SE NOALTRO A FAR VEDAR A PRESENZA EL SE CARICA A TOSETTA SU A MACCHINETTA DE COEOR FINTO BLU E BONASERA A TUTTI SE VEDON DOMAN SARE' VALTRI E DEGHE NA NETTADA AL BANCON. NO MARIO CUSSITA NO A VA PROPRIO BEN...VA BEN DAR CONFIDENSA...VA BEN METTAR A PROPRIO AGIO I FUTURI PARENT.....VA BEN MA SE I SE VOL BEN....NO CAZZO BISOGNA SPIEGARGHE AE NOVE GENERASSION DOVE CHE SE INGANCIA EL SARABAN...... CREDAME, MARIO L'INDIAN NEI PRIMI ANNI NOVANTA EL IERA BON IN UN VENDRE DE SERA DE SCIROPPARSE IN TEEVISION SCHERZI A PARTE, DOPO EL MAURIZIO COSTANZO, DOPO EL TEEGIORNAL ULTIMA EDISSION E DOPO ANCA A RASSEGNA STAMPA SENSA BATTAR CIGLIO.....ORTENSIO DEI GAINA FORA PAR A SETTIMANA LE IN MEDO A BANCHI DA CIESA E SEGADURA E AL SABO E DOMENEGA EL SMISSIA MARGHERITE E QUATTRO STAGIONI SENZA GIRARSE INDRIO GNANCA UN SECONDO. FAME UN GRANDISSIMO PIAZER RIMETTI UN MINIMO DE ORDINE E SE TE E' BISOGNO DOMANDA PUR AIUTTO NOALTRI FIOI TE SA CHE SON QUA.....IN GRANDISSIMA TRISTESSA CASA DELLA BIANCA. |
|
Post n°840 pubblicato il 07 Febbraio 2009 da fioi_de_maser
..... grande PORTU.... oggi sei già più vecchio ma sembre e comunque sua cresta dell'onda... CAPOVERDIANA ma sempre onda le... AUGURI PISELLINO |
IN QUANTI STIAMO LEGGENDO QUESTO BLOG ORA?
BLOG BEI DA VEDAR
- CLAUDIO - CAPOVERDE
- RAGAZZE BIGBABOL
- I TANARDI
- CULOPOLI
- BRONZECOERTE
- Dj Smarti - My space
ULTIME VISITE AL BLOG
Inviato da: morlin
il 31/12/2009 alle 18:49
Inviato da: kroato
il 11/12/2009 alle 16:47
Inviato da: Dennmark
il 10/12/2009 alle 18:40
Inviato da: property69
il 03/12/2009 alle 16:22
Inviato da: kroato
il 21/11/2009 alle 22:28