Ido-poezio

Poemi en Ido

 

AREA PERSONALE

 

QUALE SENDAR KOMENTI

Por sendar komenti, kliktez sur "Scrivi Commento"; pose skribez vua nomo (o pseudonimo), vua ret-postal adreso (olca ne esos publikigata) e vua komento, e kopiez l'infra numero aden la spaco laterala; pose kliktez sur "Pubblica".

 

ARCHIVIO MESSAGGI

 
 << Febbraio 2018 >> 
 
LuMaMeGiVeSaDo
 
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
 
 

FACEBOOK

 
 

 

IDO

Post n°8 pubblicato il 25 Marzo 2009 da Idopoeto

IDO

es linguo auxiliara por la facila komunikado internaciona

- - -

On povas lektar kelka poemi sube

 
 
 

LA NUBI EK SUKRO

Post n°7 pubblicato il 25 Marzo 2009 da Idopoeto

LA NUBI EK SUKRO

La nubi
ek sukro filigita
en la blueso hel ed obskur
di mea dii,
qui donacas saporo
a mea gayeso,
qui minledigas
mea tristeso,
kolorizas per blankeso
nivea
l'anmo mea
stuporanta
ed olun frol
per sua mol
tusho
lejer
igante lu tale dolca
quale facita
ek sukro.

Tiberio Madonna

 
 
 

SOMERO

Post n°6 pubblicato il 05 Marzo 2009 da Idopoeto

SOMERO

La humideso
kushas su
pezoza
en l'aero
dil somero.
La nubi fumatra
su apogas
sur la somiti dil monti
por repozar.
La pinti lunala
titilas la cielo
e mikra lampiri
kun vivaca lumeri
flug cirkum ni.
Es nia tasko
savar kaptar li.

Tiberio Madonna

 
 
 

LA HOMALA SONJO

Post n°5 pubblicato il 26 Novembre 2008 da Idopoeto

LA HOMALA SONJO

Meze
inter la lumo
e la tenebro
inter l'existar
e la nulo
preter la luno
proxim la suno
meze,
suspendite...
dop la pordo
klefklozita
di mea sonji
frapanta
me imaginis
imaginal imaji
me fantaziis
fantastikaji
ek lo senexista
ek lo obskur
dum un instanto nur
qua dur
mil yarmili
me imaginis
me fantaziis
rinaskar ucelo
vizitar la cielo
sen limiti
e disflugar
senfrontiere
ed acensar
enaere
adsupere
plu adsupere
mem plu adsupere
maxim adsupere
libere
felice
lejere
respirar la
nubi
regardar la subi
la reda tekti
di la mikra domi
la formikatra homi.

Tiberio Madonna

 
 
 

TU E ME

Post n°4 pubblicato il 25 Novembre 2008 da Idopoeto

TU E ME

Tua kordio dic a me:
me nultempe tu kare’,
mea kordio dic a tu:

ni un kordio fac ek du.

Tua okuli kis le mea:
kolorizas li umbrea,
mea okuli kis le tua:
kolorizas li hel-blua,

e la kisi, per flugar,
ir en l’anmi su kushar.

Tiberio Madonna

 
 
 

Unesma mesajo

Post n°1 pubblicato il 25 Novembre 2008 da Idopoeto

Hola!

Omna vizitanti esas bonvenanta a mea blogo*!

Me nomesas Tiberio Madonna e skriptas poemi en la linguo internaciona Ido.

Hike vi povos lektar kelki de mea poemi, ed anke sendar komenti (por sendar komenti lektez l'instrucioni che la sinistra latero dil pagino).

Bona lekto!

Ciao!

Tutti i visitatori sono benvenuti nel mio blog!

Mi chiamo Tiberio Madonna e scrivo poesie nella lingua internazionale Ido.

Qui potrete leggere alcune delle mie poesie, ed anche mandare commenti.

Buona lettura!

 
 
 
 
 

INFO


Un blog di: Idopoeto
Data di creazione: 25/11/2008
 

CERCA IN QUESTO BLOG

  Trova
 

ULTIME VISITE AL BLOG

Idopoetosara_1971psicologiaforensecercorobertafernandez1983IdopoetaKillerQueen87De_Blasi.Amilionidieurobriccone2005delfina_rosaleon1970thekingofdarknessssguardoprofondo
 

CHI PUÒ SCRIVERE SUL BLOG

Solo l'autore può pubblicare messaggi in questo Blog e tutti possono pubblicare commenti.
 
RSS (Really simple syndication) Feed Atom