Poesie Siciliane

Parra la muntagna, e dici:

" Di l'Europa sugnu la Regina,

Regina de munti e di sta terra strana,

sugnu pussenti jauta e mastina,

E de muntagni sugnu la suvrana.

Fumu cuntinuu da matina a sira,

senza fimmarimi mancu pi mangiari,

ma poi a fami quannu a mi mi veni,

mi mangiu casi, paisi e tirreni.

Distruggiu bruciu e fazzu dannu,

picchi n'da la Sicilia sulu ju cumannu.

                                                               A.P.

Cu n'grossu massu a forma triangulari, sfruttannu lu so geniu e lu putiri, matri natura si vosi passari n'capricciu pi lu munnu sbalurdiri, pigghia e lu posa a n'menzu a tri mari, d'oru e brillanti lu vosi vistiri dissi "Sicilia" si divi chiamari e poi di Diu la fici binidiri.

                                                                                                              A.P.