LA RETE X CHIARA

M' aggio fatto 'a casa nova :
nun è mia 'a tengo affitto ,
che pe' vvia 'e 'na disgrazia
aggio perzo 'a rrobba mia .

Ma che vvuò , fatte curaggio
aggio fatto 'o quatto 'e maggio ,
int' a quatto scatulone
'na lenzola e 'o pantalone ,

'na sarvietta e dduie cucchiare ,
doje vunnelle e scarpe tre ,
po' 'na vranca 'e cazettine ,
unu pèttine e tre spìngule .

Mo me faccio buono 'o cunto
che me serve pe' ttramente ,
me ne vaco alleramente
ma cu' tutte 'e sentimente ...

Primmo 'o phon p' 'e capille
e 'na sciarpa blu maré ,
po' 'na scarpa a ballerina
e 'na borza rossa 'e strass ;

po' nun saccio , aggia veré
p' 'a cucina e 'ncoppa 'o lietto ,
si me faccio 'nu salotto
o 'a terrazza cu ' a piscina ...

Uè ma tu che vaje truvanno ?
guarde sempe proprio a mme  ?
pe' 'nu poco ca pazzèo
vi' che mutria ca lle scenne ...

Siente a mme , n' avè paura
che s' acconcia tutte cose ,
ca io 'mpietto tengo 'o core
'e fa' tutto comme 'a primma ...

Jammo , jammo alleramente
ca ce sta 'sta bbona ggente ,
chi sorride e chi m aiuta ,
chi fa dièbbete pe' mme ....

PER LEI