katya_adavin

E’ notte, sto fore ‘o balcone,
sento ‘o prufumo d’‘e llimone
me cunzolo cu ‘stu ventariello, 
e me sò ‘ncantato a guardà 
pe’ sfizzio dduje aucielle 
se vasano a pezzechille!
all’intrasatto penzo a tte 
a chille vase ca t’aggia da’!
C’aggia fà tengo ‘stu core 
è ‘nu guappo d’ammore 
mo se mise a cumannà : 
Va dicenno a tutte ‘a ggente 
ca tu l’he fatto annammurà!
E nun se fa capace ca tra me e te 
ce sta ‘a differenza ‘e ll’età!
M’ha ditto pecchè 
pe’ se annammurà…
ce vo ‘a carta d’identità?
Nun ce stà niente a fa…
cu nu core guappo accussì 
nun se po’ arraggiunà… 
nun se po’ arraggiunà!