VerNapolEvangelico

Genesi 2

1 Accussì fujeno fatt'o cielo e 'a terra. 2 Dio dint'o settimo juorno fernett'o lavoro ca aveva fatto e nun facette 'n'atu lavoro. 3 Dio benedicette 'o settimo juorno e 'o cunsacraje, pecchè aveva fernuto ogni fatica ca aveva fatto.4 Cheste songo 'e nascite d''o cielo e d''a terra quanno venettero criate.Quanno 'o Signore Dio facette 'a terra e 'o cielo, 5 nesciuna cioga steva 'ncopp'a terra, nesciuna cioga era spuntata – pecchè 'o Signore Dio nun aveva fatto chiovere 'ncopp'a terra e nisciuno faticava 'a terra 6 e faceva sagliere ll'acqua a dint'e canali p'arraccuà 'a terra; 7 'o Signore furmaje ll'ommo cu 'a povere d''a terra e le suffiaje dint'o naso 'a vita e ll'omme divenette na criatura vivente.8 Po', 'o Signore chiantaje nu ciardino in Eden, a Uriente, e vce mettette ll'ommo c''aveva criato. 9 'O Signore Dio facette schiuppà d''a terra tanti arberi bbelle a vedè e bbuone a magna'. Miez''o ciardino nce steva ll'arbero d''a vita e ll'arbero d''a cunuscenza d''o bbene e d''o mmale. 10 Nu ciumme ascev'a Eden p'arraccqua' 'o ciardino e, po', se sparteva e furmave quattro sciummi. 11 'O primmo sciummo se chiammava Pison, ca scurreva attuorno 'o paese di Avila, addo' ce sta ll'oro 12 ca è puro; cca', ce sta anche 'a resina addorosa e 'a preta onice. 13 'O sicondo sciummo se chiamma Ghicon: isso scorre attuorno tutt'o paese d'Etiopia.14. 'O terzo sciummo se chiamma Tigri: isso scorre a uriente di Assur. 'O quarto sciummo è l'Eufrate.15 'O Signore Dio pigliaje ll'ommo e 'o mettette dint'o ciardino 'e ll'Eden, pe' ce 'o fa' zappa' e po' ce 'o fà astipa'.16 'O Signore Dio dette chisto cumandamiento all'ommo: " Tu puo' magna' 'e frutti 'e tutte ll'arberi d''o ciardino, 17 ma nun 'e magna' 'e frutti 'e ll'arbero d''a cunuscenza d''o bbene e d''o male, asino' muore!".18 Po' 'o Signore Dio dicette: "Nun sta bbene ca ll'ommo sta sulo: lle voglio fà 'n'aiuto ca è tale e quale a isso". 19 Allora, 'o Signore Dio facette ca terra ogne bestie selvatiche e tutte ll'aucielle d''o cielo e facette 'j annanz'a ll'ommo pe' vede' comme isso ll'avesse chiamate: comme ll'ommo avesse chiamato ognuno 'e chill'essere vivente, accussì s'avessare chiamate.20 Accussì ll'ommo mettette 'e nomme a tutt'e bestie, a tutte ll'aucielle d''o cielo e a tutte 'e bestie selvatiche, ma nun truvaje n'aiuto ca fosse tale e quale a isso. 21 Allora 'o Signore Dio facette venì suonno all'omme ca s'addurmentaje: le levaje na custata e nce chiurette 'a carne o posto suoje. 22 'O Signore Dio criaje, cu 'a custata ca aveva levato all'ommo, na femmena e la purtaje annanz'a isso. 23 Allora ll'ommo dicette: "Chesta vota essa è carne d''a carna mia ed e' uosso e ll'uosse mije.Se chiammarra' donna pecche' dall'ommo e' stata levata".24 Pe' cheste ll'ommo se ne iarra' d''o pate e d''a mamma suoje e s'aunira' ca mugliera e tutt'e duije saranno na carna sola. 25 Mo' tutt'e duje stevano annure e nun se mettevano scuorno.

© 2014 by  Peniel  Software - Vernacolo Napoletano Evangelico 

I' aggio truvate pace

ma na pace senza morte

proprie areta a chella porta

nu miracule e Giesù.

'A truvaje na certa sera

mentre cammenavo sulo

pe' lla strada 'e Succavo

passianne dint' 'o scuro.

Me fermaje proprio n' amico

me parlaje ddo Spirtussante

e Giesù che cagna 'a vita

chella ca, nun sacce che...

I' penzaje ma nun e chille

ca na vota 'nzieme a n'ato

sunavaveme scunzulate

mò chedd' 'e chestu parlà.

Rummanette frasturnato,

'mbambulato, 'mpressiunato

'sti parole me tuccajne...

Core mio, che vuo' capì?

Me dicette a vuo' stà pace?

le dicette addò 'a trove

proprie areta a chella porta

e pirciò trasimme llà.

I' trasette chella sera,

chella sera e primmavera

senza dumanda' cchiù niente

me truvaje assettate llà

E' 'a truvaje dint' 'a na chiesia

piccerella, accunciulella

chien' 'e gente che cantava

quante ammore llà truovaje.

Chella sera 'ngarraje 'a porta,

truvaje pace ma senza morte

e Giesù ca me dicette

so propri I' chella Porta

e mò a te, ca liegge e siente,

nun restà 'ndifferente

pure tu può fà 'o stesso:

"Trase pe' 'sta Porta... 'e rieste!"

Giesù Criste è 'a vera Porta

no una mieza a tanta porte

e solo Isso dona pace,

ma na pace senza morte.

Salvatore

© Copyrigh 2014

Genesi 1

1 'O pprincipio Dio criaje 'o cielo e 'a terra. 2 'A terra era vacante e sfurmata, e 'o scuro steva addovonca e 'o spirito 'e Dio vulava 'ncopp'a ll'acqua.3 Dio dicette: " Nasca 'a luce" e chella accumparette. 4 Dio vedette c''a luce era bbona e a spartette d''e tenebre. 5 'A luce 'a chiammaje juorno e ' 'o scuro notte. E chesto fui 'o primmo juorno.6 Dio dicette: " 'O cielo adda spartere ll'acqua 'e 'ncoppa cu ll'acque 'e sotto" E accusì fuje!8 Chisto fuje 'o secondo juorno.9 Dio dicette ancora: "Ll'acque ca stanno sott'o cielo s'accocchiano e accumpara ll'asciutto". E accussì succedette. 10 Chiammaje l'asciutto terra e 'o 'nziem'e ll'acqua mare. E vedette ca era na cosa bbona! 11 Pò, dicette: " 'A terra furmasse evere e arbere cu 'e frutte cu 'e seme, a seconna 'a lloro genimma. E succerette accussì: 12 'a terra criaje ll'evere e ll'arberi a seconna d''a lloro genimma. 13 E fuje 'o terzo juorno.14 Dio dicette: "Accumpajene luci dint'o cielo, pe' fa capì 'o juorno e 'a notte, ca servene pe' capì 'e staggione, 15 p'alluminà 'a terra e p''e juorni e ll'anne. E fui proprio accussì: 16 Dio facette doje luci grosse, 'a cchiù grossa p''o juorno e 'a piccerella p''a notte. 17 Dio 'e mettette 'ncielo p''alluminà 'a terra, 18 pe' fa capì 'o juorno e 'a notte e pe' spartere 'a luce d''o scuro. E Dio vedette ca era na cosa bbona. 19 E fuje 'o quarto juorno. 20 Dio dicette: " ll'acque vrellecano d''animale e ll'aucielle vulassero p''o cielo". 21 Dio criaje tutte ll'animale ca vivono dinta ll'acque e tutte ll'aucielle ca volono p''o cielo a seconna 'a lloro genimma. E Dio vedette ca era na cosa bbona.22 Dio 'e benedicette dicenno: " Auniteve e aumentate e rignite ll'acque d''o mare e d''a terra". 23 E fuje 'o quinto juorno.24 Dio dicette: " 'A terra furme animale a siconn''a genimma lloro: vestiamme, serpe e bestie fureste". E accussì fuje: 25 Dio facette 'e bestie fureste, 'o bestiame e 'e serpe a siconna a lloro specie. E Dio vedette ca era na cosa bbona.26 E Dio dicette: " Facimme ll'omme a nostra fiura e assumiglianza, e ca cumanne 'ncopp'e pisci d''o mare, l'aucielli d''o cielo, 'e bestie fureste e 'o vestiamme d''a terra".27 Dio criaje l'ommo a sua fiura e criaje pure 'a femmena.28 Dio 'e benedicette e lle dicette: " Facite figli e rignit'a terra; cumannate 'ncopp'a ogne animale d''o mare, d''o cielo e d''a terra".29 Po' Dio dicette: "I' ve dongo ogni evera ca forma semmenta e ogne arbero ca forma 'a frutta, chesta sarrà 'o mmagnà vuosto. 30 A tutt'e bestie fureste , a ll'aucielle d''o cielo e all'animali ca strisciano pe' terra e ca tenene vita, i' ce dongo pe' magnà ll'evera verde". E accussi succedette. 31 Dio vedette tutto chello c'aveva fatto, ed era cosa bbona. E fuje 'o sesto juorno.

© 2014 by  Peniel  Software - Vernacolo Napoletano Evangelico 

Pe' chillo ca nun crede:

Ccà, dicimme quaccosa ca nun se puteva cunoscere quanno è stata scritta 'a Bibbia...

1. 'O sole se move e nun stà fermo (Salmo 19:6) 'O cuntrario 'e chelle ca se credeva poco tiempo fà, 'e scienziate hanno ditto ca 'o sole se move pur'isso.

2. 'A mmesura justa ca na nave add'avè pe' putè galleggià, è sei vote 'a larghezza (Genesi 6:15).

3. 'A terra se trova dint''o cielo e nun stà appuiata 'a niscinu parte e nemmanco è appiatutta e niscuno a mantene 'ncopp'e spalle comme l'omme ha creduto fino a quacche secolo fà ( Giobbe 26:7 - 26:10 Proverbi 8:27 – Isaia 40:22).

4. Dint''a ll'ottavo juorno d''a nascita 'e nu criaturo, chillo è 'o mumento p''o "circoncidere" pecchè 'a poco s'è furmat'a "protombina" ca serve pe' 'ntustà 'o sanghe (Genesi 17:12).

5. Sott'o mare ce stanne muntagne e sciummi (Giona 2:6-7).

6. Ll'arcobaleno se forma mmiez'e gliotte d''acqua (nuvole) (Genesi 9:13-16).

7. Quattemila anne fà 'a Bibbia diceva ca Dio attira 'ncielo 'e gliotte d'acqua ca pò cadeno 'ncopp'a terra. (Giobbe 36:27-28) (Ecclesiaste 1:7) Ciclo idrogeologico (evaporazione – trasporto nell'atmosfera – distillazione e precipitazione).

8. Comme puteva Giobbe, ca campava dint'all'Asia Minore, sapè c' 'o mare s'agghiaccia? (Giobbe 38:28-30)

9. 'O Pateterno ce ha dato comme mmedicina 'e ffoglie 'e ll'albero (Apocalisse 22:2; Ezechiele 47:12) (Vide ca è comme se fà oggi a maggior parte d''a mmedicina).

10. L'Universo nun stà fermo, ma s'abboffa, allascannose d''o centro (Giobbe 9:8; Isaia 42:5; Geremia 51:15, Zaccaria 12:1).

© 2014 by  Peniel  Software - Vernacolo Napoletano Evangelico