anima
le mie sensazioniIo cumpatisco sempe a ‘na perzona,
ca quanno fa ‘na critica è tagliente,
o resta friddo e fa l’indifferente
pe’ fa’ vedé ca niente ‘o ‘mpressiona.
Comme po’ di’ ca ‘a cosa ‘e n’ato è bbona,
chi spisso stenta ‘a vita amaramente?
Sta ‘ntussecato, finge ‘nnanze a’ ggente,
ma, appena ‘o danno corda, se “sbuttona”.
E allora se capisce ca scantona,
e caccia ‘a fore tutt”o malamente;
e fa ‘o saputo, ‘o dotto, ‘o cumpetente,
ca te ‘mbriaca ‘e chiacchiere, te stona;
e quanno a ddi’ ‘mpruperie s’abbandona,
te dice ‘o fatto sujo, comme s”o sente.
Ma, si ce sta ‘a vantà, sinceramente,
è l’unica campana ca nun sona.
Si sape ca tu si’, nun se n’addona,
e si nun si, t’accide maggiormente.
Intanto, tutt”o juorno, nun fa niente
e, si fatiche tu, nun te perdona.
Raffaele Viviani
Condividi e segnala - permalink - Segnala abuso |
Nun è peccato. No. Nun è peccato
si pe’ tant’anne m’hê cercate sempe,
si pe’ tant’anne m’hê vuluto bene
perdutamente.
Nun è peccato. No. E nun sta a ssèntere
‘e chiacchiere ‘e cierti bbizzuchelle.
L’ammore, quann’è ammore overamente,
nun vede niente.
A’ ‘ntrasatta ll’ammore coglie ‘o signo.
Senza sapé te truove a mare apierto
c”o maistrale ‘ncuollo ca te votta
sempe cchiù ‘nnanze.
Fatte vuttà. Tiene tesata ‘a scotta.
‘O ssaje ‘stu viento auriuso addò te porta!
‘O ssaje ca sceta ‘e senze e ‘a fantasia!
Si tu ‘sta vela…
Nun è peccato a fa chello ca hê fatto.
Nun è peccato a fa chello ca faje.
‘Ntienneme, oi’ né’: sarria peccato
sulo ‘o ccuntrario.
Egidio Zito
Condividi e segnala - permalink - Segnala abuso |
Campo accussì, comme campasse nzuonno,
niente mme pare certo, overo niente;
me sento sola ncopp’a chistu munno,
me veco sperza mmiez’a tanta gente!
Nun c’è cchiù luce pe’ ‘sta vita mia,
campo accussì! Ma senz’avé paura,
senza sapé addò vaco, pe’ qua via,
cammino sola, a ‘o scuro, e so’ sicura.
E nun me fermo maje, e maje s’allenta
‘o pede mio, e maie mme tremma ‘o core,
core ca nun cunosce tradimento,
ch’ha campato surtanto p”o dulore!
E beneditto sia pure ‘o dulore,
quanno nun l’accumpagna ‘a nfamità;
nu’ mporta ca fa chiagnere ‘nu core,
si lle da forza e ffede pe’ campà!
Che fa si campo comme fosse nzuonno?
Che fa si niente pare certo e overo?
Che fa si stongo sola ncopp”o munno?
Puro è stu core, puro è stu penziero!
Condividi e segnala - permalink - Segnala abuso |
Spalanca 'e pporte 'o sole | Traduzione in italiano Spalanca le porte al sole | |
Condividi e segnala - permalink - Segnala abuso |
Dialetto: Campania E cerco ancora | Traduzione in italiano E cerco ancora |
Condividi e segnala - permalink - Segnala abuso |
« Precedenti |
Successivi » |
Inviato da: martes51
il 13/06/2009 alle 10:29
Inviato da: passionedolce64
il 11/06/2009 alle 17:01
Inviato da: martes51
il 09/06/2009 alle 18:58
Inviato da: martes51
il 07/06/2009 alle 16:41
Inviato da: passionedolce64
il 04/06/2009 alle 21:57