anima

Spalanca 'e pporte 'o sole
È scesa ‘a sera e pure sta jurnata
se n’è gghiuta ‘nfumo senza ‘e te.

E se fa cchiù scura ‘a notte
e cchiù affliggente ‘a smania ‘e te vedè.
‘O core me turmenta e se turmenta
e nun s’arreposa, nun trova arricietto
vaje arreto cu’ i penziere
e se perde n’ata vota
dint’’o nniro ‘e ll’uocchie tuoje.

Po’, ‘a notte se fa juorno, ll’anema
liggera me vesbiglia:
“Agge pacienzia, leva ‘stu scurore
‘a copp’’a faccia, assaggia
i colori della vita, spalanca ‘e pporte
‘o sole, fall’ascì, falle ridere ancora”.

L’ammore fauzo e malantrino
ca strapazzava ’o core
e l’arravugliava int’all’ombre di’ penziere
e di suspiri, s’alluntanaje da me
e cu’ ‘na scutelejata ‘e capa
libberaje ‘e catene da’ malincunia.

Spalanca le porte al sole
Si fa buio ed anche questa giornata
se n’è andata in fumo senza di te.

E diventa più nera la notte
e più struggente la smania di vederti.
Il cuore mi tormenta e si tormenta
e non riposa, non si tranquillizza
torna indietro con i pensieri
e si perde ancora nel nero degli occhi tuoi.

Poi, alla notte succede il giorno,
l’anima leggera mi bisbiglia:
“Abbi pazienza, elimina quel buio dal tuo viso,
assaggia i colori della vita, spalanca
le porte al sole, fallo uscire, fallo ridere ancora.

L’amore falso e malfattore
che mortificava il cuore
e l’avvolgeva nell’ombra dei pensieri
e dei sospiri, si allontanò da me
e con uno scossone
liberò le catene dalla malinconia.