LA VOCE DI KAYFA

Stammatin’, mentre currev’ vicin’ ‘o mar’,
poc’ luntan’ ‘a me,
‘nu gabbian’ vulav’ rasente ‘ncoppo all’acqua,
tant’ ‘a sembrà ca vuless’ correr’ ‘nzieme a mme.
Maronn’, che felicità aggio pruvat’dint’ all’anema
guardann’ chill’auciello.
Pe’ ‘nu mument’ mme parut’
d’avè mis’ pur’ i' l’ale
c'all’impruvvis’ m’agg’ miso
pur’ i’ a vulà.
“E mmò addò jamm’?”
addummannaj’ all’auciello,
 vulann’ ‘nziem’ a isso.
“Addò vuò tu!” m’arrispose.
Dopp’ c’avè penzat’ ‘nu mument acopp’,
ce dicette,
“Jamm’ ’a du Ddio, ca c’aggia parlà!”
Accussì, vulann’, vulann’ ‘ncopp’ ‘e nuvul’,
arrivaim’ ‘mparavis’.
“Chi sit’? Che vulit’? A chi cercat’?”
c’addummannje San Pietro all’ata part’ de  cancell’
quann’ bussaim’ ‘e porte do cielo.
“Sonc’ ‘n’ommo ‘nammurat’ c’addà parlà co patatern’!” rispunnett’ i'.
Sentenn’ ‘sti parol’, ‘o sant’ arapett’ ‘e porte
e ce facett’ passà.
Ddi’ se ciacejava dinto a ‘nu ciardin,
assettat’ ‘ncopp’ ‘a ‘na panchina,
sott’ a ‘n’albero e mandarin’,
circundat’ ‘a angel’, sant’ e cherubin’.
“Che vuò ‘a me?” m’addumannaje,
guardanname riritt’ ‘nfacc’.
“Pataté” accuminciaje i'’, “pecché me fatt’ ‘stu dispiett’?”
“Quale dispiett’ t’avria fatt?” facett’ Ddi' ‘ncuriusit’.
“Me fatt’ ‘nammurà ‘e ‘na femmina acussì bella
c’annanz’ a essa
‘stu ciardin’ sculurisc’,
‘sti ciur’ s'ammoscian',
‘sti criatur’ angelich’ s'appannan'.
“E allora ‘e che te lamient’? Nun si cuntent’ ‘e avé avut’ tanta grazia ‘e Ddi’?” facette iss’
“Sì, se pur’ess’ me vuless’! Ma ‘sta femmen’ accussì doc’ e bella, è ‘na femmen’ troppa seria.
Se pur’ ess’ a mme ce penz’cu calore, cu dulcezz’,
cu tenerezz’, nun ‘o ddà a vedé, nun ‘o ddà a capì.”
“Stamm’ a sentì” me facette allor’ Ddi’.  “Se davver’ si’ ‘nammurat’ ‘e ‘sta signora bella, lascial’ ‘n pace,
nun sfruculiarla cchiù! Quant’è ‘nnammurata, ‘a femmen’ se mett’ appaura do dda ‘a vedé!”
“Pecché?” facette i’. "Ll'ammore è accussì bell'!"
“Pecché se pe’ l’omm’ ll’ammore è ‘na condanna a mort’, pe’ ‘na femmen’ è ‘nu turmient’ ‘e ll’anema,
‘na sofferenz’ etern’ ca manc’ ‘o tiemp’ po’ sanà!
Stamm’ ‘a sentì, nun perder ato tiemp’, lassal’ ‘sta tranquill’ pecché sul’ accussì può sperà,
da turnà ‘a ‘ncuntrà,
da turnà a vasà,
da turnà all’amà! 
A femmen’ nun s’adda
né prjà,
né cumannà,
né cuntrarià,
a femmen’ s’adda sul’ accuntentà!”
A sti parol’, acalaje a capa e dicette,
"Mo capisc’ pecché tanta femmen’
preferiscon’ campà cu ‘n’ommo 
senza lo vulé  bbene:
senza ‘o sentiment’, 
senz’ 'a passione,
senz' ll'ammore
nun esiste' ‘a sufferenz’!”
“E’ accussì!” dicette Ddi’,”Ma se te po’ cunsulà,
tien’ a ment’ ca quann’’ ‘na femmen vò bbene a ‘n’omm’, se pure decide ‘e no’ vedè cchiù,
‘o pensier’ e ‘o core sujo sarrann’ chin’ ‘e’ chist’omm’ pe’ tutt’ ‘o riest’ da vita soja!”
Accussì decenn’, staccò ‘nu ciore a terra e mo’ rialò.
Scunsulato e speranzus,
ringraziaje ‘o patatern’ pe’ chell’ a m’avev’ ditt’
e po’ riale che m’aveva fatt’.
Co’ ciore astritt’ ‘ncopp’ ‘o core,
‘nzieme all’auciell’,
lassaje ‘o ciardin
e turnaje a vulà ‘ncopp’ ‘a ‘sta sterra.
Quann’, atterraim’, nterr’, pijaje ‘o ciore e c’ho dett’ all’auciell’,
priannel’ ‘e c’o purtà a chella femmena bella
pecché nun se scordasse mai cchiù ‘e me.
A chillo punto,
comm’ pe’ mmagia,
l’auciell’ si trasfuremaje nell’ammor' mio!
“Tu !” facett’ stupetiat’ i’.
“Si” arrispose essa.
“Pecché ‘stu mbruglio?”  ll’addummannaje. “Chest’ Ddi’ nun me l’avev’ ditt’!”
Surridenn’, arrispose,
“Pecché manc’’ Ddi’ sape che quann’ ‘na femmen’ vo’ bbene a  ‘n’ommo,
pure se decide 'e nun ‘o vedè cchiù,
ll’anema soja vola pe sempe vicin  a chill’omm’
po’ riest’ da vita soja!”
Senza dicere ato, mi iettò 'e bracc' 'ncuoll'
e me vasò appassiunatamente!

Kayfa