NoAiSequestri

bellissimo post. Ciao da

kepago

p

g

£

&

jgst

vnvc

dyh

?

Faula! Faula manna cante a tie! Faulalza chi no ses attere. Ma ite ses giunghinne a pare! Già l’ischia chi fisi limba mala, ma finzas a i cussu puntu … eh comà, no ti indemonies e istadi sezida, ca a mie mi l’ana nadu … eh, nadu ti l’ana, propriu a tie, comente no isco ite oldinzas tue! Sempre cottulada, o accherada o sutta sa persiana, cottulennedi de sos fattos de tottu sa idda! Como chi mi l’asa nadu, baedicche, po prommore ‘e deus! … ma comà … como, fatta a comare, saltiami sa janna, imboligosa chi no ses attere. Ma a tinne paridi! Già chi non ne tenzo de pensamentos, bi cheriat custa puru a mi indemoniare sos chelveddos. Mi l’aia pensada, però, chi si che fia essida ai cuss’ora, si l’aiant isciuccada sa limba. Ma ite podia faghere. E bi l’aia nadu giaru, a su sulvile: no bessas poi de manigadu, istadi in domo! Eh, a mie iscultada su suldu (suldu est e suldu sicch’ada a morrere). A tempus meu, a s’ave maria, sos cristianos già ritirados sicche fini, comente ‘e sas puddas in cannitu. Eh, essidu ch’este, tantu l’ischia chi lu fidi aisettennne cussa cavanos che taula. Innamorenne sunu! Ohi s’amore insoro! Su ciucetto a ambos duos bi cheret. Mi so estida lestra, chenabura notte, isciallu nou e bottas bezzas, e so essida deo puru pensenne chi no m’aerene connotta! Sa timoria mia fidi chi ch’esserant passados po prima in piatta de sas prommissas, nossichi li esserat ennidos a issos puru su male. Eh! tanno sighi che l’aia dispacciadu a domo de sa mama. Ello babà, como bi torro a iscacazzare pizzinnos. Si est macca issa, deo non lu so; e ite, li devo campare totta sa zenia ai cussa iscrabistada e assignoricada, ca minn’est rutta dae su lettu! … Calenneche a polta noa fini, issarachigheddu … Eh! no mi connoschiat niunu, un’atteru faulalzu cussu in piatta e gioja. Leessilu sa zì, leessilu, chi si lu leada custu isciallu la faghet pius pizzinna, mancu in domo l’ana a connoschere. Infattisi, no m’at connottu niunu, bruttu tramposu! Tanno che so calada in poltanoa cun cussas bottas tricchede e tracchede. Chie non mi idiat mi intenniada. Chissà cantas carrasegadas an devidu curare sos duttores! Tottu girados, abbaidennemi … A sant’Antoni sun calados … sas giannas fini tottu frisciadas, no binn’aiat una iscanzada! Già aia chelvidu ischire comente ada fattu a m’iere cussa cuccumiao. In piatta ‘e sant’Antoni, torra zente; ma no bi los appo idos. Binne aiat unu de sos de salva cana, sezzidu a sa sola in d’unu cuzzone. Chissà ite fidi mazzonenne, ma si idiada chi cheriat ischire ite tottu fini nenne sos chi fini arrodiados. Essu a zente cottulada chi ch’ada in custa idda, dae su primu finzas a s’ultimu. Mi so istuffa de essere abbaidada e mi che fia torrenne a domo, canno unu, tottu affurrioladu, mada nadu de canjare in piatta lettore ca che fini appena pigados. Zente binne aiat, in Lettore, ma issos no bi fini … oh, custa puru este candidada, mì … Appena appo intesu su chistionu, appo leadu palitta e malteddu e minne so torrada a domo chi fidi già mesanotte. Sa zoronada mia l’appo fatta, los appo chilcados a matta ’e cannela. E ite cheret puru cussa macca ‘e sa mama! Po culpa sua como so in limba ‘e sa idda. Chi s’arrangede, e li ponzat fattu issa, gia giughede cambuzzos bonos! Elle tant’ira. Como so parizzas dies chi no drommo, dae canno comare m’at fattu assessore, cussa tonca faulalza! Ma pensade unu pagu si m’aiat fattu sinniga, e chie b’aiat postu pius pè in lettu?…..