occhiodivolpe

nientemeno fuje a aùsto ,
stevo abbascio a marechiaro
ca me sconta addò 'o scoglione
e me dice - si' 'ngrassata ? -
nè m' 'e fatto chistu sgarro ?
che me tengo 'e schiaffe 'nfaccia ?

fuje 'a festa 'e pascalino ,
chillo 'o figlio nun è bbuono :
ogni modo pe' creanza
lle purtaje 'na zuppa inglese ;
nun passaje manco 'nu mese ,
nè 'sta brutta 'ntruppecosa
nun venette 'a casa mia
cu' cainàtema e 'e ssòre
e me porta 'a zuppa soja ?
ca po' chella 'nfaccia 'a mia
me pareva 'na ciofèca ?

uè m' 'e fatto n' atu sgarro 
comme 'a miette nomme mo ?
tu cu' mmé fai palla corta ,
nun m' 'e ttengo 'e schiaffe 'nfaccia ...