occhiodivolpe

Nanninella 'a scortecata
ha pigliato n' atu vizzio ,
ca 'a matine albante juorno
se va a ffà 'a cammenatella ;

va fujenno a passo svelto ,
esce fòre r' 'o quartiere ,
'a 'na via po' esce a n'ata
e nun sape addò s' avvìa ...

pare a tté ? manco p' 'a capa ,
vìre llà : tène 'na borza
a tracolla e vòtta 'a mano
e c' infìzza quaccheccòsa ;

s' è 'mparata malamente :
chillo 'o vizzio è n' atu sfizzio
che ogni tanto chiéga 'nterra ,
'nnanze 'e pporte e 'e ciardinielle :

mo lle piace r' arrubbà ,
comme fosse 'na paura
ca facesse 'nu bottino
e se riégne 'e mmane 'nzìno :

vòtta 'a mano aùmma aùmma ,
nun 'a vére mai nisciuno :
è 'na vòrpe marìòla
nun 'a fà bbona a nisciuno

mo lle piace r' arrubbà
e se scippa 'na talèa ,
po' s' 'a porta a casa soja
e s' 'a chianta int' a 'na testa