occhiodivolpe

vurrìa che stammatìna
ce pigliàssemo 'o ccafè ,
vurrìa ca stammatìna
parlàssemo io e ttè ...

accussì pe' 'na mezora
assettàte a ciuciulià 
me cuntasse 'e fattarielle ,
me cuntasse 'e nnuvità ...

accussì facènno 'nciuce
arrepassàssemo ll'amìce ,
guardànnoce int'all' uocchie
sentì a tté tu che mme dìce .....

vurrìa sentì 'n' ata vòta
ogne tanto 'a resatella ,
e che ogni tanto a uno
'o chiammà 'povera stella' ...

te dicesse cu' n' abbraccio
quant' è bbello oggi  Pusìlleco ,
nun fa niente 'na buscìa ,
nun fa niente ch' oggi chiove ...