occhiodivolpe

m' aggio fatto bbuono 'o cunto ,
setticientottanta 'o mese
songo proprio comilfò ,
fosse proprio 'o terno al lotto ;

me facesse ddoje giacchette ,
tre cazune e 'nu rilorgio ,
'nu cappotto p' 'a vernata ,
'o semestre d' 'a palestra ?

o invece me ne jesse
cu' marisa bella mia
'na semmana 'ncoppa 'a nave
cu' ll' offerta d' 'a crociera ?

o si no spaparanzato
me ne stesse 'nnanze 'o bbar
cu' ll' amice a chiacchiarà
a magnà cafè e aperòl ?

vìre tu quante penziere ,
quante cose pozzo fà ,
pecchè  a mmè 'o diritto mio
finalmente è assicurato .