occhiodivolpe

'o bibberon

stà accussì affianco a 'o lietto
proprio 'ncoppa 'o commodino ,
ca te ggìre e 'o piglie 'mmano
nun t' jà sòsere o assettà ;

gire 'a capa , che te 'mporta ?
senza cchiù aizà 'o pietto
tu te ggìre e puo' zucà
comme vuò 'o muorzo 'e cafè ...

m' aggio fatto 'o bibberon :
è 'na bbella buttiglietta ,
'ncapo tène 'na cannuccia ,
'ncuorpo tène 'sto ccafè ...

jammo jà 'a bbona 'e ddio ,
mo te scìte e dint' 'o suonno
vùtte 'a mano e truove a isso ,
dint' 'o bbuio te cunzuòle ...

o ca staje core a core
e lle vène chella 'nzìria ,
ca lle vène 'nu gulìo
'e se vévere 'o ccafè ?

senza cchiù ca care 'nterra ,
o ca vaje int' a cucina ,
tu te ggìre , 'o piglie 'mmano
e 'o ddaje a zucà a essa ...