occhiodivolpe

'o cumpare

chillo è stato 'o guardaporta
ca s' aìza sempe 'a notte ,
pe' tramente ca vevèva
'o verette ascì d' 'a porta ...

- ma chi è ? - po' s' 'o scurdaje ,
'o venette a mente doppo
ca parlava a Tresinella
justo chella 'o terzo piano ...

accussì sapette 'o fatto
ca pure essa 'o viernarì
d' 'a fenesta 'e Carmilina
era visto ascì a 'n' ommo ...

accussì passata 'n 'ora ,
don Filippo 'o guardaporta
ciuciuliàje cu' tuttequante ,
appuraie 'o condominio

ca 'a signora 'o primmo piano
se teneva pe' cumpare
n' ommo ancora scanusciuto
ca 'a int' a casa puntualmente

se n' asceva int' 'a semmana
miercurì e viernarì ...
pe' nu mese 'o condominio
ciuciuliàje 'ncoppa 'o fatto

e comm' era ch' 'o marito
nun sapeva o si sapeva
se teneva 'e ccorna zitto ,
e comm' essa fosse 'nzista ...

se sapette casualmente ,
quanno doppo era 'a scurdata ,
ca chillo era proprio 'o marito
ca faceva 'o turno 'e ccinche ...