occhiodivolpe

'a stazzione

songo sceso 'a coppa 'o treno
'nterra a una stazzioncella ,
pure 'o bar steva 'nchiuso
cu' 'nu cane stiso annanze ,

pe' 'nu caso pecché 'o treno
llà facette coincidenza ,
mo guardavo 'nu parcheggio
cu' ddoje palme e senza màchine ;

stevo llà comme 'na vòta ,
ma nun c era 'nfaccia a mmè
l'automobbile celeste
ch' aspettava allora a mmè ...

mo guardavo e già sapevo
tutte 'e vvìe a scalinatelle ,
e llà sotto 'a muntagnella
una casa pe' mmo vuota :

io sapevo 'o ciardiniello
'e limone e purtuàlle ,
e 'na porta arreto 'o vico
ca sta sotto 'o balcunciello ....

io guardavo e nun penzavo ,
c era stata 'a coincidenza ,
e pe' ccaso stevo llà
pe' nun me scurdà 'e te ......