Ocorente,doxe par 4 persóne:Rixo vialon nano 200 grZseóla 100 grGraso 50 grParmexan gratà 30 grParsémolo, Bródo de galina lexiéro2 sbrancàe de ciufi de ortighe1 fetina de ajo
Quando che le piantine de ortighe le xe cresùe bastanzsa, ma no le xe gnancora maure, se ga da stacarghe le pónte co na man proteta da un guanto. £e pónte, dopo averle lavàe ben, le va curàe par cavarghe i parasiti che se ghe scónde, e dopo le vien doparàe par far 'sta menestra qua che la xe fiséta, se ben che no la xe mìa un rixoto. Se se dòpara solo che i buti de ortiga se parécia un piato veraménte ecezsionale e inimitàbile. Invezse, doparando anca le fóje zxa mauràe, se fa na menestra de gusto un póco amaro e no masa bona. Tritè pi fin posìbile la zseóla co la féta de ajo e na s-ciantina de parsémolo, e metì tuto 'nte na técia.Scaldè sul fógo la lama de un cortelo groso e pestè el graso fin che no 'l deventa na salséta. Metìlo 'nte la técia insieme co la zseóla, l'ajo e 'l parsémolo e fè un desfrito, stando ténti che no 'l se bruxa. Intanto, scaldè el bródo. Al desfrito zxontèghe le ortighe maxenàe e lasè che le se séca un póco, dopo bagnèle col bródo.Fè bojer tuto da nóvo, sbasè la fiama al mìnimo e cuerzxì la técia lasando bojer tuto par 40 minuti. Pasà 'sto tenpo qua, zxontè el rixo, misiè co un cuciaro de légno e faxìlo cuxinar al dente ; se 'l se suga masa, zxontèghe un póca de aqua de bójo. A la fin dovarisi aver na menestra bastansa fisa.Metìghe anca el formajo gratà e na s-cianta de pévare, misiè ben e versè tuto 'ntei piati, lasando che 'l se sora par calche minuto vanti de servirlo.