Ocorente...250 g de farina bianca,200 g di figadini de polastro,30 g de foje de aloro,2 uvi,late,butiro,formajo gratà,brodo di manxo,sale e nóxe moscà
Pareciare la pasta co de la farina, i du uvi, na prexéta de sale e e la late tièpida, quanta la basta par far che l'inpasto el sia belo mòrbio.Co la méscola tirare na sfoja fina , po rodolarla sù e tajarla a fetine de la mixura de mezxo zsentìmetro.Slargarle so na toaja on póco infarinà e lasare che le se suga.Int'on pignatin far desfare on pochéto de butiro co na foja de aloro (che la va cavà 'ia a la fine de la cotura); farghe roxolare rento i figadini de polastro ben lavai e tajai a tochiti.Métarghe na préxa de sale e gratare sóra on póca de nóxe moscà.Inte na ramina far bujire on litro e medo de brodo, butarghe rento le tajadele insieme coi figadini e far coxare. Par portare in tola, métare la minestra 'nte na terina e a parte métare a dispoxizsion el formajo gratà.