![]() |
Creato da GoodDrinkCompany il 25/09/2008
come al bar... e anca qua se parla solo dialeto!
|
Area personale
- Login
Cerca in questo Blog
Menu
Chi può scrivere sul blog
Tutti gli utenti registrati possono pubblicare messaggi e commenti in questo Blog.
« Siore e siori, se verxe! | el mondo gira intorno a ... » |
Post n°2 pubblicato il 25 Settembre 2008 da ElMatadorCaliente
Dicesi RUSA un ramo, picolo o grande che sia, de na pianta (ciamà RUSARO) coi spini, che de solito, oltre a rasarte dapartuto co te ghe la sfiga de capitarge a tiro, la se taca su pa i vestiti e cavarsela da doso xe n’inpresa titanica.
Ma no la xe mia finia qua! Da qualche parte ghe xe na rameta tacà su pai vestiti (e subito no ve inacorsì mia…) e ve la portè in volta fin ca no rivè casa, pa scoprire che sa volè cavarla via ve toca sbregar su tuto!
Ma parchè parlo de ruse? Senplice, el paragon co le done vien spontaneo!
Ve sarà capità de catarve na tosa, nar fora na sera e va tuto ben, do sere e va tuto ben, tre sere e va tuto ben… e dopo ve la catè sempre in meso ai cojoni e no si pi boni de pararla via!
Eco: quela la xe na rusa!
E quando ca gavì na rusa su par doso cavarsela via vol dire sbregarse i vestiti e anca da qualche parte su pa la pele. Come minimo!
Elora uno dise: “ma sa vedo na rusa o un rusaro ghe sto distante!”. Brao, giusto. El problema xe che i rusari (e quindi le ruse) ga mia solo le spine hehehe… i ga anca le more o le anponbole, e quele le xe tanto ma tanto ma tanto bone! E visto che se le prime le xe fasili da tor su, dopo te vien voja de magnarghene ‘ncora e, prima o dopo, te finisi rento pal rusaro!
A sto punto ghe xe do solusion:
- o se se contenta de 2/3 more anponbole che sia
- o se manda qualcheduni a torle su pa noialtri, cusita elo el va rento el rusaro e noaltri magnemo! Ma quela la xe arte…
ah, pa par condicio esiste anci i omeni-rusa!
Steme ben!
![]() |
https://blog.libero.it/4ciacole/trackback.php?msg=5508767
I blog che hanno inviato un Trackback a questo messaggio:
Nessun Trackback
Commenti al Post:
Nessun Commento