Messaggio N°55 09-02-2007 - 02:15
LETTERA NAPULITANAQuan'è calma stà nuttata ì settembre...Che silenzio attuorno,che freschezza chest'aria pulita !E comm'è doce a chiagnere cù stù desiderio ì Te d'int' ò core...Io me vòto e me giro, d'int'a stù lietto senza pace.Me giro e me vòto e m'arrecordo...Che mumenti cù Te, Ammore mio !Mumenti grandi pè 'mme. Belli e appassiunati.Mumenti cà io sola vivevo; sola io vulevo... E cà io sola suffrevo. Tu ce stive, si ! Ma nun vulive à 'mme.Io amavo sulamente à Te. Dicesti: - "Nùn è cosa ! Lassàmm' stà ch'è meglio..."- E io ? Che me ne faccio io, mò, ì stì mmane cà nùn te pònno accarezzà cchiù ?I' st'uocchie miei, se nùn se pònno cchiù affunnàdint'ò pozzo scuro ì chille tuoje ?Spiegame a che me serve ormai stù còre,cà senza te è fernùto...Dimmello tu comm'à pòzzo arretruvà stà pace mia: Te ll'è purtata via cù Te !Luntano canta n'aucielluzzo...Tiennero, piccerillo; e sulo; comme à mme.Cù l'uocchie apierti; spalancati dint'ò niroì chesta notte senza fine;Io, zitta, zitta, m'ò cullo stù dulore dint'ò còre,amorosamente, comme fosse nà Criatura mia...E me mozzeco ò musso pè nùn ò scetàmentre te chiammo disperatamente.Ma Tu addò staje, Ammore Mio Carnale ?Me pienze, comm'io penz'à Te Me siente dint'ò còre, comm'io sent'à Te ?PECCHE'... Ma pecchè nùn m'arrespunne ?Cchiù debole chiagne luntano l'aucielluzzo...E intanto ò suonno vène,E dint'ò suonno vieni Tu.E me dici cà sò 'bbella; m'asciutte stì lacreme; e me vase à fronte cà m'abbrucia...M'accarezze ì capille, e pò m'astrigne forte, forte 'mpietto a Te.Sulo accussì, vicin'ò sciato tuojo, trovo pace. Cuntenta, allora, m'addormo, 'ncoppa à stànonna-nonna antica cà dice :- " Sì tutta à vita mia... Te voglio 'bbene assaje " -... E finalmente m'arreposodint'à pace ì stà nuttata settembrinacà ormai, chiano, chiano...Doce, doce... Se ne và a murì. ( Rè ) ... PER DIMENTICARE UN UOMO AMATO FINO ALL'INVEROSIMILE... BISOGNA TROVARNE UN ALTRO DA AMARE ANCORA FINO ALL'INVEROSIMILE...