Rosolina Le onde se' ramena sù la spiaja stuzzegà dal vento che le spintonale pare criniere infissie e despetenà de bionde cavale dopo 'na corsa. Intanto el sole, come a fare l'oceto, spunta paciocon dal mare in bòrezzo ranpegandose come 'n 'alpin sù pa' el zielo svejando el dì ancora mezo insonà.I osei i taca cantare tra le spiere che cascando da 'le zime dei pini in piè e colegà par tuta la pinetapare fin che le ricama el verde e la sabia come coltrine de 'na 'olta in dòta a 'la sposa. La spiaja molesina 'carezza i piè descalzi e la zente ruza bisega in tel zarvelo remusinando amicizie pensieri ricordi che dopo on paro de strapuzzi gà desmentegà.Mentre cala el sole vien 'vanti la sira s 'inpizza le stele slusegando in zielopa' speciarse tremolando come tanti lumini in tel oci e ficarse in tel cuoretra la musica de' pini e 'i canto del mare de chi sbasuciando fa promesse d'amore. ...a Rosolina i se capisse co' ogni parlare Pietro Conforto Pavarin