GUAGLIONEQuanno jucavo ô strummolo, â liscia, ê ffijurelle, a cciaccia, a mmazza e pívezo, ô juoco d''e ffurmelle, stevo 'int' â capa retena d’'e figlie 'e bbona mamma, e me scurdavo ô ssolito, ca me murevo 'e famma. E comme ce sfrenàvamo: sempe chine 'e sudore! 'E mamme ce lavàvano minute e quarte d'ore!Junchee fatte cu 'a canapa 'ntrezzata, pe ffà a pprete; sagliute 'ncopp'a ll'asteche, p'annarià cumete; p’ ‘o mare ce menàvamo spisso cu tutte 'e panne; e 'ncuollo ce 'asciuttàvamo, senza piglià malanne. 'E gguardie? sempe a sfotterle, pe' ffà secutatune; ma ê vvote ce afferravano cu schiaffe e scuzzettune e â casa ce purtavano: Tu, pate, ll'hê 'a 'mparà! Ma manco 'e figlie lloro sapevano educà. A dudece anne, a tridece, tanta piezz''e stucchiune: ca niente maje capévamo pecché sempe guagliune! 'A scola ce 'a sàlavamo p''arteteca e p''a foja: 'o cchiú 'struvito, ô massimo, faceva 'a firma soja. Po gruosse, senza studio, senz'arte e senza parte, fernévamo pe perderce: femmene, vino, carte, dichiaramiente, appicceche; e sciure 'e giuventú scurdate 'int'a ‘nu carcere, senza puté ascí cchiú. Pur'io jucavo ô strummolo, â liscia, ê ffijurelle, a cciaccia, a mmazza e pívezo, ô juoco d''e ffurmelle: ma, a dudece anne, a tridece, cu 'a famma e cu 'o ccapí, dicette: Nun po’ essere: sta vita à dda ferní. Pigliaje ‘nu sillabbario: Rafele mio, fa' tu! E me mettette a correre cu A, E, I, O, U.
Omaggio a Raffaele Viviani
GUAGLIONEQuanno jucavo ô strummolo, â liscia, ê ffijurelle, a cciaccia, a mmazza e pívezo, ô juoco d''e ffurmelle, stevo 'int' â capa retena d’'e figlie 'e bbona mamma, e me scurdavo ô ssolito, ca me murevo 'e famma. E comme ce sfrenàvamo: sempe chine 'e sudore! 'E mamme ce lavàvano minute e quarte d'ore!Junchee fatte cu 'a canapa 'ntrezzata, pe ffà a pprete; sagliute 'ncopp'a ll'asteche, p'annarià cumete; p’ ‘o mare ce menàvamo spisso cu tutte 'e panne; e 'ncuollo ce 'asciuttàvamo, senza piglià malanne. 'E gguardie? sempe a sfotterle, pe' ffà secutatune; ma ê vvote ce afferravano cu schiaffe e scuzzettune e â casa ce purtavano: Tu, pate, ll'hê 'a 'mparà! Ma manco 'e figlie lloro sapevano educà. A dudece anne, a tridece, tanta piezz''e stucchiune: ca niente maje capévamo pecché sempe guagliune! 'A scola ce 'a sàlavamo p''arteteca e p''a foja: 'o cchiú 'struvito, ô massimo, faceva 'a firma soja. Po gruosse, senza studio, senz'arte e senza parte, fernévamo pe perderce: femmene, vino, carte, dichiaramiente, appicceche; e sciure 'e giuventú scurdate 'int'a ‘nu carcere, senza puté ascí cchiú. Pur'io jucavo ô strummolo, â liscia, ê ffijurelle, a cciaccia, a mmazza e pívezo, ô juoco d''e ffurmelle: ma, a dudece anne, a tridece, cu 'a famma e cu 'o ccapí, dicette: Nun po’ essere: sta vita à dda ferní. Pigliaje ‘nu sillabbario: Rafele mio, fa' tu! E me mettette a correre cu A, E, I, O, U.