PUBBLICATO SUL CORRIERE il 27.08.09
Quanto can can . A me son sempre domandà chi sia stà a voler a tuti i costi farme cantar l'inno nei campi de calcio e in giro. Vero che la musica e le prime bele parole me fa smisiar la pansa e mette un gropo ala gola, specie quando se vinse qualcosa, anca se xe vero che le parole pì vanti le diventa difisili e pì che altro risciemo de storpiarle. Fusse sta de fare come i americani che i se mete na man sul cuore e i scolta el so inno in silensio, con la comosion e i coi oci lucidi ?Pensa che in Spagna l'inno l'è solo de musica, sensa parole, e i tedeschi i gà dovuo cambiar qualche parola par passar da paese de guerra a paese de pace.Sarò mona ma mi, me scappa anca na lagrima e un brivido me ciapa daea testa ai piè, a mi come a Bossi, el senatur. E alora quando se alsa el tricolor sul penon pì alto, stemo tutti fermi e tasemo in silensio, quanto pì beo saria con tanta comosion parchè ga vinto ancora l'Italia. Perche xe vero l'Italia non gà sento e sinquanta ani , la ghe ne gà 2000 de ani, alla faccia de tutti i altri, con tutte le so magagne e tutti i so campanili. E alora, se ogni campanile alsa la so bandiera e sona le so campane, seto che svoltolar de colori ! Saria pexo de la Svissera che de colorà la ga solo le bandiere ae finestre.Ma se pensemo a Siena che ogni contrà ga la so bandiera e la so canson, e sfidarse in tel Campo xe quasi na guerra, che però finisse sempre a vin (chianti) e tarallussi .... che festa !Gavemo capio sì che l'Italia xe cussì dai tempi dei Romani e che de unità non gavemo da imparare proprio da nessun , ma non dismenteghemo gnanca che la X Regio la jera la Venetica, tanto pì vecia, cussì come la Toscana l'era l'Etrusca e cussi via. E se scrivemo in talian, pì che parlarlo, lo femo da mile anni, anca par merito de quel bravo de Dante, che savemo l'è vegnu in tel Veneto a imparar a scrivere mejo, cussì come, dopo, Manzoni xe andà sull'Arno a sciaquar i panni " .Ma eora, non sarà gnente de male se femo de tutto perché i nostri fioi i abbia da continuar a parlare come i so noni, ma no el ciosotto e gnanca de malo, cussì che a Bolzan i continuarà a parlar la so lingua che manco Goethe riusciva a capire perché non jera ne italian ne tedesco. E se qualcun sogna de cavar le croxe dai muri, bisognarà cavar tutte le croxe dai stemmi dei paesi, dele cità dele provincie e dele associasion. Dovarisimo scalpelar via più croxe (ma tante de pì) de quanti leoni i ga scalpelà in te i ani de Napoleone.Se pò, par calar le braghe, sensa pò che nessun me l'abbia domandà, volemo metter man a tutti i campanili par far tanti minareti, solo par esser pì democratici dei altri, seto che ridere in giro par el mondo, altro che Rinasimento che gà insegna de tutto a tutto el mondo, G..M