Da "strolacamenti de tre vecchiareddhi"C - Ne trasimu a ntra lu barra, ca osci face friddhu?A - Pocca! Ne pijamu na cosa cavata cu ne scarfamu li cannavozzi.B - Ne pijamu na giucculata?C - Jeu nu me la pozzu bivire ca è duce e tegnu la zuccarina.B - Nu lampu! A picchi a picchi nu sapimu mancu cc'imu manciare e bivire chiui. Istu nunn'è bonu, istu ne face vanire doja de stommucu e cci ne rrimane cu manciamu, pampasciuni a lu citu?A - Jeu nu pozzu pijare lu cafè pe lu core, issu nu pote manciare le cose duci e tie?B - Jeu pozzu manciare e bivire cci boju, ca nunn'aggiu fatti mai stravizi e nu fumu cchiui.C - Pe chiru, puru jeu ane tant'anni ca nu fumu.A - E'mujerama ca me face stare cu pinzieri.C - Cci tene? La visciu ca stane bona.A - Ci la vidi e se stane citta sine ma ci cunta se vide ca la capu nu la tene a ncapu.B - Percé, spaleggia?A - Pocca! Stammane vulia cu saccia percé ane de mutu chiempu ca nu vide mama. Ttuccatu cu li spiecu chianu chianu c'ane vintott'anni ca se ne sciuta, bunattanima.C - Puru mujerama scuariava, pareddha.A - Me la ricordu! Me vene a mente quannu dicia ca vidia e cuntava cu li nnantisciuti soi.C - Dicia puru ca li vanivene le cavete quannu se bicinava lu diavulu!B - Quannu la capu se sconza, nu nc'è rimediu.C - Comu no? Vulivene cu chiamene lu sorcista ca dicivene ca tania lu diavulu a ncorpu.B - Ma nu be ne scurnati filu, ranni e rossi comu siti cu criditi a ste fessarie?A - Fessarie comu dici tie, ma lu diavulu stane sempre mpustatu e comu picca picca scamaddhamu, ne futte e fazza Diu!B - Ma nu nc'è l'Anciulu Custode ca ne tene mente? Chiru de mujerata l'ane bannunata?A - Lu tene, lu tene ca si no a quist'ura ne l'ia già pijata l'anima.C - Diciti cci buliti, ci v'a criati, ma quannu foe de mujerama, nu me ficiara persuasu.B - E facisti bonu! Iste su macarie ca se cuntavene quannu li ristiani le cose nu le sapivene ca nu scivene a la scola.A - Ma cci dici? Li previti a la scola scivene e studiavene puru comu scumagnare lu diavulu de lu corpu de li ristiani.C - Ca iddhi me crisciu ca s'annu mmentatu tuttu, ci l'a criati.B - Studiavene a li seminari però erene sempre li previti cchiu ranni ca li ncafuddhavene a ncapu ste minchiate.A - Senti nu picca, "sacciututtujeu", sta fiata nu suntu sulu jeu ca le dice ste cose ma me l'ane cuntate fijama lu masculu e fazza Diu!B - Ca percé, fijata nunn'è prevete?C - Ane fatta la scuperta de la Merica!A - E' veru ca fijama è prevete ma me l'ane ditta comu mesciu de scola de Religgione.B - Ci nunn'è pizzu è cuddhura! sempre ommu de chesia è. Me pare ca è meju ci nu ne le spieca a li vagnoni ste cose ca si no, ci sape li risi ca se fannu!A - Ma si tostu de capu, nunn'è fijama lu prevete ca se mmenta ste cose, è lu Ministeru de la Scola ca face nu CORSU de ESORCISMU a pacamentu me li mesci de scola.B - Focu nosciu! A cci mani simu ccappati! Povara scola e poviri fiji!
LU DIAVULU A NCORPU
Da "strolacamenti de tre vecchiareddhi"C - Ne trasimu a ntra lu barra, ca osci face friddhu?A - Pocca! Ne pijamu na cosa cavata cu ne scarfamu li cannavozzi.B - Ne pijamu na giucculata?C - Jeu nu me la pozzu bivire ca è duce e tegnu la zuccarina.B - Nu lampu! A picchi a picchi nu sapimu mancu cc'imu manciare e bivire chiui. Istu nunn'è bonu, istu ne face vanire doja de stommucu e cci ne rrimane cu manciamu, pampasciuni a lu citu?A - Jeu nu pozzu pijare lu cafè pe lu core, issu nu pote manciare le cose duci e tie?B - Jeu pozzu manciare e bivire cci boju, ca nunn'aggiu fatti mai stravizi e nu fumu cchiui.C - Pe chiru, puru jeu ane tant'anni ca nu fumu.A - E'mujerama ca me face stare cu pinzieri.C - Cci tene? La visciu ca stane bona.A - Ci la vidi e se stane citta sine ma ci cunta se vide ca la capu nu la tene a ncapu.B - Percé, spaleggia?A - Pocca! Stammane vulia cu saccia percé ane de mutu chiempu ca nu vide mama. Ttuccatu cu li spiecu chianu chianu c'ane vintott'anni ca se ne sciuta, bunattanima.C - Puru mujerama scuariava, pareddha.A - Me la ricordu! Me vene a mente quannu dicia ca vidia e cuntava cu li nnantisciuti soi.C - Dicia puru ca li vanivene le cavete quannu se bicinava lu diavulu!B - Quannu la capu se sconza, nu nc'è rimediu.C - Comu no? Vulivene cu chiamene lu sorcista ca dicivene ca tania lu diavulu a ncorpu.B - Ma nu be ne scurnati filu, ranni e rossi comu siti cu criditi a ste fessarie?A - Fessarie comu dici tie, ma lu diavulu stane sempre mpustatu e comu picca picca scamaddhamu, ne futte e fazza Diu!B - Ma nu nc'è l'Anciulu Custode ca ne tene mente? Chiru de mujerata l'ane bannunata?A - Lu tene, lu tene ca si no a quist'ura ne l'ia già pijata l'anima.C - Diciti cci buliti, ci v'a criati, ma quannu foe de mujerama, nu me ficiara persuasu.B - E facisti bonu! Iste su macarie ca se cuntavene quannu li ristiani le cose nu le sapivene ca nu scivene a la scola.A - Ma cci dici? Li previti a la scola scivene e studiavene puru comu scumagnare lu diavulu de lu corpu de li ristiani.C - Ca iddhi me crisciu ca s'annu mmentatu tuttu, ci l'a criati.B - Studiavene a li seminari però erene sempre li previti cchiu ranni ca li ncafuddhavene a ncapu ste minchiate.A - Senti nu picca, "sacciututtujeu", sta fiata nu suntu sulu jeu ca le dice ste cose ma me l'ane cuntate fijama lu masculu e fazza Diu!B - Ca percé, fijata nunn'è prevete?C - Ane fatta la scuperta de la Merica!A - E' veru ca fijama è prevete ma me l'ane ditta comu mesciu de scola de Religgione.B - Ci nunn'è pizzu è cuddhura! sempre ommu de chesia è. Me pare ca è meju ci nu ne le spieca a li vagnoni ste cose ca si no, ci sape li risi ca se fannu!A - Ma si tostu de capu, nunn'è fijama lu prevete ca se mmenta ste cose, è lu Ministeru de la Scola ca face nu CORSU de ESORCISMU a pacamentu me li mesci de scola.B - Focu nosciu! A cci mani simu ccappati! Povara scola e poviri fiji!