LA ZILELLA E LA CURUNA B - Sciati, sciati ca poi vegnu.C - Ci t'a criatu, cu nu damuri mutu.B - None, e quantu nci vole, ccumpagnu la nunna Cuncetta a dha sorsa e poi ve rriu su la via de le Rutte.A - Nu tardare. Nui doi ne ncaminamu chianu chianu.B - Sine, sciati. C - Ci l'a criatu tutte iddhu se le trova le cuneddhe. A - E' scumunacatu ma tene core e se mina cu dane lu jutu a ci tene bisognu.C - Ma lu scennuru tou, a propositu de lu bisognu, cci sta face? Sacciu ca purtava a nnanzi lu trappitu ma st'annu nu l'ane pertu filu?A - E cci ane ffare, pareddhu. Tira nnanzi comu meju pote. Lu trappitu nu l'ane pertu pe nenzi, tantu le ulie a dhu stannu? E' ssiccatu tuttu e mo, fazza Diu!C - Puru a dha mie, cu bidi, nc'è cu chianci! Ci sape quannu vidimu ttorna nu pede de vulia beddhu llattumatu e caricu a spezzassu de vulie. Mannaggia a ci l'a criati.B - Ncora cquai stati? A - Lampu! Si rrivvatu già? Ai fuciutu?B - None, sapiti ca tegnu lu passu svertu. Cci dicivi de le ulie?A - Sta cuntava a issu ca lu scennuru meu st'annu, nunn'ane pertu lu trappitu. E cci l'apria a fare ci la zilella s'ane sucati li pedi de ulia e su siccati.B - Pocca l'imu utu lu cazzunculu, st'annu, focu nosciu! Mancu l'oju pe casa facimu e ttocca cu ne lu ccattamu. C - Ci sape quanti anni ncora imu passare senz'oju nosciu, ci l'a criati!A - La manu de Diu ttuccava cu li furmina tutti e fazza Diu! Cci l'imu fattu a dhi fiji de bona ristiana cu minene li vermiceddhi a menzu a lu feu?B - Curpa de lu Diu tou c'ane criati tutti l'animali e s'ane mmentata puru la zilella e mo ne l'ane mmannata a scuntu de li paccati nosci.C - Varda ca se dice ca su stati chiri de lu cassadottu c'annu simmanatu la zilella. A - Pocca, annu vistu l'aeri passare vasci vasci ca spruvulavene li vermi su li titti de le ulie.B - Annu vistu fiaccu! Erene ciucci verdi ca vulavene e rajannu rajannu scummaravene, de taretu, ruculi vii su li pedi de vulia.C - Tie scherzi ci t'a criatu, ma de veru dicene ca l'annu visti.B - L'aeri o li ciucci?A - Stai sempre cu li scherzi tie e nu cridi ci nu bidi e fazza Diu!B - Tie nvece cridi a tutte le minchiate ca senti. La zilella, beddhi mei, è banuta de sula, nu l'ane nnutta ciuveddhi, nu su stati li ristiani e mancu Domineddiu. Le chiante, l'animali e puru nui ristiani ttocca cu facimu sempre le llutte cu criscimu scinciri, cu fijamu e cu nu murimu. Ntra la cunijera, sulu lu cuniju cchiu forte scujuna tutti l'avitri masculi e mprena le cunije fimmene.C - Cci c'entrene mo li cuniji, ci t'a criatu!B - C'entrene percé sulu lu cchiu forte e putente, tene la meju samente.A - Eccu vidi ca su li putenti, li ricchi capitalisti ca volene cu distruggene le cose nosce de quassutta, cu ne fannu ccattare le loru.B - Puru istu sarà ca è veru, ma la zilella è nata de sula. Ttuccatu cu llutta e cu scanza, pe tanti anni, tutti li pesticidi, ttuccatu cu se bitua a li valeni, a li diddittì, a li nzurfi e a lu vetriolu, cu pozza criscire e cu se pozza propacare, comu ane fattu la janca, laperonospara, lu puntaluru nivuru e chiru russu e tutte le spece de rasine e de paducchi.C - Sarà ca nu picchi de raggione la teni, ci t'a criatu!A - Pocca mo la zilella se cria de sula. Ci nu nc'è la manu de Diu, pe certu nc'è chira de l'ommu e fazza Diu!B - Dimme allora, ci è dhu ristianu tantu stortu e malortu, su sta terra, ca pe tant'anni ane simmanatu: la poliumelite, lu vajolu, lu carbonchiu, la meningite, lu tifu, la tubercolosi, lu culera, la peste, l'ebbala, la lebbra la risibbala, lu focu de sant'Antoni, lu tetunu, la sarsa, la leggiunaria, la spagnula, la freve gialla, l' addiesse, la sifilide e mo, pe urtimu, puru la curuna?C - Pocca! Poviri cinesi, ne sta morene tanti, pareddhi, nfettati de sta curuna!A - Ista è la vuluntà de Diu e fazza Diu.B - Sia pe lu bene cca pe lu fiaccu, vui bizochi, cci ve ne futtiti, tantu scaricati tuttu su la voluntà de Diu. La sparanza noscia, invece, stane a li scenziati cu trovene mprima mprima lu vaccinu, comu ficiara cu tutte dh'avetre malatie, ca, ci pe ci sa, la curuna se sparpaja e rria a cquassutta a nnui e zzicca puru tie, beddhu meu, nussacciu filu de dhu te vene la ula cu ringrazi la vuluntà de Diu, povuru fessa! What do you want to do ?New mailCopyWhat do you want to do ?New mailCopy
LA ZILELLA E LA CURUNA
LA ZILELLA E LA CURUNA B - Sciati, sciati ca poi vegnu.C - Ci t'a criatu, cu nu damuri mutu.B - None, e quantu nci vole, ccumpagnu la nunna Cuncetta a dha sorsa e poi ve rriu su la via de le Rutte.A - Nu tardare. Nui doi ne ncaminamu chianu chianu.B - Sine, sciati. C - Ci l'a criatu tutte iddhu se le trova le cuneddhe. A - E' scumunacatu ma tene core e se mina cu dane lu jutu a ci tene bisognu.C - Ma lu scennuru tou, a propositu de lu bisognu, cci sta face? Sacciu ca purtava a nnanzi lu trappitu ma st'annu nu l'ane pertu filu?A - E cci ane ffare, pareddhu. Tira nnanzi comu meju pote. Lu trappitu nu l'ane pertu pe nenzi, tantu le ulie a dhu stannu? E' ssiccatu tuttu e mo, fazza Diu!C - Puru a dha mie, cu bidi, nc'è cu chianci! Ci sape quannu vidimu ttorna nu pede de vulia beddhu llattumatu e caricu a spezzassu de vulie. Mannaggia a ci l'a criati.B - Ncora cquai stati? A - Lampu! Si rrivvatu già? Ai fuciutu?B - None, sapiti ca tegnu lu passu svertu. Cci dicivi de le ulie?A - Sta cuntava a issu ca lu scennuru meu st'annu, nunn'ane pertu lu trappitu. E cci l'apria a fare ci la zilella s'ane sucati li pedi de ulia e su siccati.B - Pocca l'imu utu lu cazzunculu, st'annu, focu nosciu! Mancu l'oju pe casa facimu e ttocca cu ne lu ccattamu. C - Ci sape quanti anni ncora imu passare senz'oju nosciu, ci l'a criati!A - La manu de Diu ttuccava cu li furmina tutti e fazza Diu! Cci l'imu fattu a dhi fiji de bona ristiana cu minene li vermiceddhi a menzu a lu feu?B - Curpa de lu Diu tou c'ane criati tutti l'animali e s'ane mmentata puru la zilella e mo ne l'ane mmannata a scuntu de li paccati nosci.C - Varda ca se dice ca su stati chiri de lu cassadottu c'annu simmanatu la zilella. A - Pocca, annu vistu l'aeri passare vasci vasci ca spruvulavene li vermi su li titti de le ulie.B - Annu vistu fiaccu! Erene ciucci verdi ca vulavene e rajannu rajannu scummaravene, de taretu, ruculi vii su li pedi de vulia.C - Tie scherzi ci t'a criatu, ma de veru dicene ca l'annu visti.B - L'aeri o li ciucci?A - Stai sempre cu li scherzi tie e nu cridi ci nu bidi e fazza Diu!B - Tie nvece cridi a tutte le minchiate ca senti. La zilella, beddhi mei, è banuta de sula, nu l'ane nnutta ciuveddhi, nu su stati li ristiani e mancu Domineddiu. Le chiante, l'animali e puru nui ristiani ttocca cu facimu sempre le llutte cu criscimu scinciri, cu fijamu e cu nu murimu. Ntra la cunijera, sulu lu cuniju cchiu forte scujuna tutti l'avitri masculi e mprena le cunije fimmene.C - Cci c'entrene mo li cuniji, ci t'a criatu!B - C'entrene percé sulu lu cchiu forte e putente, tene la meju samente.A - Eccu vidi ca su li putenti, li ricchi capitalisti ca volene cu distruggene le cose nosce de quassutta, cu ne fannu ccattare le loru.B - Puru istu sarà ca è veru, ma la zilella è nata de sula. Ttuccatu cu llutta e cu scanza, pe tanti anni, tutti li pesticidi, ttuccatu cu se bitua a li valeni, a li diddittì, a li nzurfi e a lu vetriolu, cu pozza criscire e cu se pozza propacare, comu ane fattu la janca, laperonospara, lu puntaluru nivuru e chiru russu e tutte le spece de rasine e de paducchi.C - Sarà ca nu picchi de raggione la teni, ci t'a criatu!A - Pocca mo la zilella se cria de sula. Ci nu nc'è la manu de Diu, pe certu nc'è chira de l'ommu e fazza Diu!B - Dimme allora, ci è dhu ristianu tantu stortu e malortu, su sta terra, ca pe tant'anni ane simmanatu: la poliumelite, lu vajolu, lu carbonchiu, la meningite, lu tifu, la tubercolosi, lu culera, la peste, l'ebbala, la lebbra la risibbala, lu focu de sant'Antoni, lu tetunu, la sarsa, la leggiunaria, la spagnula, la freve gialla, l' addiesse, la sifilide e mo, pe urtimu, puru la curuna?C - Pocca! Poviri cinesi, ne sta morene tanti, pareddhi, nfettati de sta curuna!A - Ista è la vuluntà de Diu e fazza Diu.B - Sia pe lu bene cca pe lu fiaccu, vui bizochi, cci ve ne futtiti, tantu scaricati tuttu su la voluntà de Diu. La sparanza noscia, invece, stane a li scenziati cu trovene mprima mprima lu vaccinu, comu ficiara cu tutte dh'avetre malatie, ca, ci pe ci sa, la curuna se sparpaja e rria a cquassutta a nnui e zzicca puru tie, beddhu meu, nussacciu filu de dhu te vene la ula cu ringrazi la vuluntà de Diu, povuru fessa! What do you want to do ?New mailCopyWhat do you want to do ?New mailCopy