LI FIMMANEDDHA E LE MASCULARE(Tratto da “Strolacamenti de tre vecchiareddhi”)B - Ma si fessa? Mìntite la mascara, cunussia ne vavìsci nfacce e ne ttacchi lu curuna.C - Spetta mmenu cu me viu lu cafè, ci t'a criatu e poi me la mintu!A - Vivi, vivi, cùstutlu bonu lu café e llàssulu stare issu, ca ci nu rumpe nunn'è cuttentu e fazza Diu!B - Ci suntu dhe do' vagnone ca sta marennene ssattate a dh'agnulu?C - Ma quali vagnone, nu bidi ca su caruse fatte.B - A paru a nui, sempre vagnone su!C - Una è natia de cquai, chira cu lu sciuppareddhu russu, poi se ne scìu a dhe vanne. E' na fia de don Pippi l'avvocatu e l'avatra nu la canuscu filu, me sa, ca nunn'è de cquai.A - A tiempi nosci le fimmene nu trasivene a ntra lu barra, de sule poi, nu ne sciamu parlannu!B - Pocca! Tie si rrimastu a dhe lebriche, nticaru! Ma stane mmaritata cu unu de cquai o se l'ane pijatu de dhe vanne?A - Quante cose vo' cu ssacci, mintìmene la mascara e ssìmene a dha fore. (escono) C - None, signurina è, nu se spusò cu ciuveddhi e aggiu ntisu dire ca è masculara ca li piacene le fimmene, ci l'a criata.A - Nu bastavene li fimmaneddha mo su ssute puru le masculare?B - Varda ca nci su sempre state, sulu ca ci nu faci ficuzione, nu te ne ncorgi mancu, nunn'è comu pe li masculi.C - Jeu me menzu ca su ristiani comu tutti l'avitri, puru ca nu suntu né masculi né fimmene.A - Puru a mie nu me fannu né cautu né friddhu ma fenca se ne stannu a postu loru, ma quannu fannu de tuttu cu se mintene a mostra, quannu se ncarizzene a nnanzi a tutti e quannu se vantene puru pe comu suntu, jeu nu li pozzu patire, lu Signore cu me parduna e fazza Diu!B - Ca dhai stane lu custu, moi, cu se fannu bidire ca suntu de l'avatra menza.C - E pocca! Prima ncinn'erene picchi a ngiru e g'erene sfuttuti de tutti, moi ncinn'è nu saccu e se mmoscene cuttenti, ci l'a criati!A - Iste su cose ca nu le vole mancu lu Signore!B - Pocca! A prupositu, lu Patriarca Filaretu la penza comu tie, anzi pesciu, ca è rrivatu cu dice ca Diu n'ane mmannatu lu curuna pe curpa de li fimmaneddha e de le masculare.C - Nu ssulu! Ane puru ncarnati li ristiani cu bannu a la chesia ca ponnu stare scuscitati ca a dhai nu li zzicca lu curuna ca nc'è la manu de Diu ca li prutegge. Ma se sbajò, puru ca stava a ntra la chesia, lu curuna l'ane zziccatu lu stessu.A - Ma chiru nunn'è de la chesia noscia, ortodossu è, e fazza Diu!C - Ma tene lu stessu Diu nosciu, ci t'a criatu!B - Dìnnanala, dìnnanala. Puru sorma, l'avutra sira, m'ane ddimannatu ci stu curuna n'è banutu pe casticu de Diu.A - E l'ane dimannatu propiu a tie, ca nu cridi a nenti? E cci l'ai rispostu?B - L'aggiu dittu ca moi Domineddiu è ddavantatu bonu, nunn'è cchiui chiru de lu Sciardinu ca pe na mila fice l'ira de Diu né chiru ca mmannò le piache a l'Eggizi né chiru de lu diluviu ca nfucò tutti li ristiani. L'aggiu spiecatu ca lu curuna è comu nu vermiceddhu e g'è cusìpiccinnu, ca mancu se vide, ma se ttacca a li ristiani e campa a cojuru d'avitri. A - Tie trovi sempre la pezza a culure pe tuttu e fazza Diu. Però è veru ca Diu moi è bonu ca tannu se pantiu ca nfucò tutti li ristiani cu lu diluviu e prumise ca nu ne nfucava cchiui.B - Cci dici lu pardunamu, pe sta fiata?A - T'ai fattu vecchiu ma lu spiritu de padata nu lu perdi mai!C - Ma, turnannu a lu fattu de li fimmaneddha e de le masculare, ci t'a criatu, t'è scappata la ditta de lu Papa ca vole cu li sposa ntra de iddhi?A - Statte cittu, puru tie, te minti? Lu matrimoniu è Sacramentu e te pare mo a tie, ca lu Papa rria a puntu cu li ccucchia su l'artare?B - Se vide ca lu Spiritu Santu l'ane lluminatu e s'ane fattu persuasu ca puru ntra le cucchie spurie nci pote stare l'Amore predicatu de Cristu. A - La Chesia ane sempre dittu ca lu masculu e la fimmana ccucchene li carni sulu pe l'amore de Diu e cu la mira de li fiji e fazza Diu!B - Cci ne sai tie, se Domineddiu nunn'ane canciatu mira puru su stu fattu e moi li ristiani ponnu fare a ll'amore cu lu capucciu cusì nu se pijene le malatie e li fiji, se li fannu quannu li volene e quanti ne volene, senza cu spettene chiri ca ne “li manna lu Signore”!C - Ci v'a criati! A vui la mascara su la ucca, nu ve dane noja pe nenti? cuntati e cuntati e stative citti, nu picca. B - Ne dane noia, comu no? A l'acquarisi, però nu picchi de cchiui. C - E percé, nu su fatti comu nui? B - Sine però timene cunussia, pe la mascara, li nciurene mascarani, comu a nui!
LI FIMMANEDDHA E LE MASCULARE
LI FIMMANEDDHA E LE MASCULARE(Tratto da “Strolacamenti de tre vecchiareddhi”)B - Ma si fessa? Mìntite la mascara, cunussia ne vavìsci nfacce e ne ttacchi lu curuna.C - Spetta mmenu cu me viu lu cafè, ci t'a criatu e poi me la mintu!A - Vivi, vivi, cùstutlu bonu lu café e llàssulu stare issu, ca ci nu rumpe nunn'è cuttentu e fazza Diu!B - Ci suntu dhe do' vagnone ca sta marennene ssattate a dh'agnulu?C - Ma quali vagnone, nu bidi ca su caruse fatte.B - A paru a nui, sempre vagnone su!C - Una è natia de cquai, chira cu lu sciuppareddhu russu, poi se ne scìu a dhe vanne. E' na fia de don Pippi l'avvocatu e l'avatra nu la canuscu filu, me sa, ca nunn'è de cquai.A - A tiempi nosci le fimmene nu trasivene a ntra lu barra, de sule poi, nu ne sciamu parlannu!B - Pocca! Tie si rrimastu a dhe lebriche, nticaru! Ma stane mmaritata cu unu de cquai o se l'ane pijatu de dhe vanne?A - Quante cose vo' cu ssacci, mintìmene la mascara e ssìmene a dha fore. (escono) C - None, signurina è, nu se spusò cu ciuveddhi e aggiu ntisu dire ca è masculara ca li piacene le fimmene, ci l'a criata.A - Nu bastavene li fimmaneddha mo su ssute puru le masculare?B - Varda ca nci su sempre state, sulu ca ci nu faci ficuzione, nu te ne ncorgi mancu, nunn'è comu pe li masculi.C - Jeu me menzu ca su ristiani comu tutti l'avitri, puru ca nu suntu né masculi né fimmene.A - Puru a mie nu me fannu né cautu né friddhu ma fenca se ne stannu a postu loru, ma quannu fannu de tuttu cu se mintene a mostra, quannu se ncarizzene a nnanzi a tutti e quannu se vantene puru pe comu suntu, jeu nu li pozzu patire, lu Signore cu me parduna e fazza Diu!B - Ca dhai stane lu custu, moi, cu se fannu bidire ca suntu de l'avatra menza.C - E pocca! Prima ncinn'erene picchi a ngiru e g'erene sfuttuti de tutti, moi ncinn'è nu saccu e se mmoscene cuttenti, ci l'a criati!A - Iste su cose ca nu le vole mancu lu Signore!B - Pocca! A prupositu, lu Patriarca Filaretu la penza comu tie, anzi pesciu, ca è rrivatu cu dice ca Diu n'ane mmannatu lu curuna pe curpa de li fimmaneddha e de le masculare.C - Nu ssulu! Ane puru ncarnati li ristiani cu bannu a la chesia ca ponnu stare scuscitati ca a dhai nu li zzicca lu curuna ca nc'è la manu de Diu ca li prutegge. Ma se sbajò, puru ca stava a ntra la chesia, lu curuna l'ane zziccatu lu stessu.A - Ma chiru nunn'è de la chesia noscia, ortodossu è, e fazza Diu!C - Ma tene lu stessu Diu nosciu, ci t'a criatu!B - Dìnnanala, dìnnanala. Puru sorma, l'avutra sira, m'ane ddimannatu ci stu curuna n'è banutu pe casticu de Diu.A - E l'ane dimannatu propiu a tie, ca nu cridi a nenti? E cci l'ai rispostu?B - L'aggiu dittu ca moi Domineddiu è ddavantatu bonu, nunn'è cchiui chiru de lu Sciardinu ca pe na mila fice l'ira de Diu né chiru ca mmannò le piache a l'Eggizi né chiru de lu diluviu ca nfucò tutti li ristiani. L'aggiu spiecatu ca lu curuna è comu nu vermiceddhu e g'è cusìpiccinnu, ca mancu se vide, ma se ttacca a li ristiani e campa a cojuru d'avitri. A - Tie trovi sempre la pezza a culure pe tuttu e fazza Diu. Però è veru ca Diu moi è bonu ca tannu se pantiu ca nfucò tutti li ristiani cu lu diluviu e prumise ca nu ne nfucava cchiui.B - Cci dici lu pardunamu, pe sta fiata?A - T'ai fattu vecchiu ma lu spiritu de padata nu lu perdi mai!C - Ma, turnannu a lu fattu de li fimmaneddha e de le masculare, ci t'a criatu, t'è scappata la ditta de lu Papa ca vole cu li sposa ntra de iddhi?A - Statte cittu, puru tie, te minti? Lu matrimoniu è Sacramentu e te pare mo a tie, ca lu Papa rria a puntu cu li ccucchia su l'artare?B - Se vide ca lu Spiritu Santu l'ane lluminatu e s'ane fattu persuasu ca puru ntra le cucchie spurie nci pote stare l'Amore predicatu de Cristu. A - La Chesia ane sempre dittu ca lu masculu e la fimmana ccucchene li carni sulu pe l'amore de Diu e cu la mira de li fiji e fazza Diu!B - Cci ne sai tie, se Domineddiu nunn'ane canciatu mira puru su stu fattu e moi li ristiani ponnu fare a ll'amore cu lu capucciu cusì nu se pijene le malatie e li fiji, se li fannu quannu li volene e quanti ne volene, senza cu spettene chiri ca ne “li manna lu Signore”!C - Ci v'a criati! A vui la mascara su la ucca, nu ve dane noja pe nenti? cuntati e cuntati e stative citti, nu picca. B - Ne dane noia, comu no? A l'acquarisi, però nu picchi de cchiui. C - E percé, nu su fatti comu nui? B - Sine però timene cunussia, pe la mascara, li nciurene mascarani, comu a nui!