« LA MUJERE MUTU BEDDHA | LA TERRA » |
Post n°131 pubblicato il 19 Dicembre 2019 da ginoscirocco
Da "A cummertazione cu lu Ginu" FURTUNA E MMACARIA Pe Natale, sorma la ranne, cacciava de ntra lu casciune: la tauleddha cu li nuvanta numiri pittati susu, lu sacchettu cu le ottantasei ruteddhe de tavala cu le 4 de cartune e le unnici cartelle rrimaste e ne mintivene a sciucare a tòmmala. Cu cuprimu li numiri, manu manu ca ssivene, fratama lu ranne ne pijava, de ntra lu cammarinu, na rancata padunu de lupini siccati. Mama dava cinque sordi padunu e quannu unu li pardia spicciava de sciucare. Ci la furtuna te bunnava te curcavi cuttentu e ci no mprecavi contru la malasorta. A mie sti cunti me mintivene sulu paura, quannu era vagnone, ma poi de ranne aggiu cridutu sulu a chiru c'aggiu vistu e ntisu. Però, puru moi, nci suntu ristiani ca, puru ca su sciuti a la scola, ccappene de fessi quannu dannu retta a macare e santoni. Li pesciu de tutti suntu li masci senza cuscenzia ca dicene ca sànene le malatie. Zzicchene li sbenturati a l'amu comu pupiddhi e nu li llassene fenca a quannu nu l'annu spurpati boni boni de tuttu chiru ca tennu. Quanti nci ne suntu moi de sti masci ca purmintene: sanitate, fiamme de amore, sordi a mijara e furtuna cu l'occhi chiusi. Stannu ogni banna: su li giurnali, a la televisione e su internet. Me pare ca è rrivata l'ura cu aprimu l'occhi e le ricchie. La furtuna nci vole, nu dicu ca none, ma ttocca cu la jutamu cu se face bidire e nu putimu stare sempre cu la sparanza ca li miraculi scinnene de celu, propiu moi ca mancu li Santi veri e lu stessu Mmammineddhu, ne fannu cchiui, ca nu sannu mancu iddhi de dhu l'annu pijare. Già, sta me scurdava: BONE FESTE!
|
https://blog.libero.it/PRESICCEBLOG/trackback.php?msg=14719871
I blog che hanno inviato un Trackback a questo messaggio:
AREA PERSONALE
TAG
CERCA IN QUESTO BLOG
MENU
ULTIMI COMMENTI
Inviato da: cassetta2
il 29/05/2023 alle 18:33
Inviato da: Mr.Loto
il 21/08/2020 alle 17:39
Inviato da: sciroccu
il 22/04/2020 alle 13:10
Inviato da: cassetta2
il 22/04/2020 alle 11:06
Inviato da: cassetta2
il 20/11/2019 alle 16:11