(da a cummertazione)
LA TERRA
De vagnone sapia ca la terra era chira ca se zzappava, ca se arava e poi precannu li samenti e lu rumatu nascivene lu ranu e li paseddhi. Nc'era, tannu, la terra mia e chira de l'avitri, la terra bona e chira fiacca, la terra russa e chira nivara, la terra nicchiaraca e chira a curtiu, la terra nfussa e chira sicca e poi nc'era la terra pe cìciri a dhu scivene spicciare li morti.
Cu lu Patarnosciu mparai lu “sìcutu a ncelu e sìcutu a nterra” e cu lu Credu sippi ca Diu “criò lu celu e la terra”. Sapia puru ca lu Sule e la Luna nascivene de la vanna de la via de nanzi a casa mia e mpunivene de la vanna de la ssuta e le sciurnate erene logne o curte a sacunnu ci era: state o jernu.
A la scola poi mparai ca la Terra era na còcala ranne ranne, fatta de petre e de acqua, china de ristiani, de animali e de chiante, ca stane a ngalla a ncelu e vane a ngiru tornu tornu a lu Sule e, cu face tuttu lu giru, nci vole n'annu sanu sanu e puru na nticchiceddha.
Tannu l'annu nzignava na samana dopu Natale e se chiamava festa de la Circuncisione, cadìa sempre lu primu giurnu de Scinnaru, ma ciuveddhi sapia cci festa era e ci dimannavi a li ranni, te rispunnivene ca era na cosa de lu Mmammineddhu.
Puru moi l'annu nzigna lu primu de Scinnaru, ma nunn'è statu sempre cusì, de manu a li ntichi, e nunn'è mancu cusine pe tutti li ristiani ca girene su sta Terra.
A Roma, già de prima cu nasce Gesucristu, lu mperatore romanu Giuliu Cesare se mmentò l'annu fattu de dudici misi e a ngloria sua se nnuminau Giulianu. Iddhu fice nzignare l'annu cu lu giurnu de la festa de lu diu romanu de Roma Scianu (Janus), chiru cu le doe facce, una de nanzi e una de taretu e lu primu mese piò de issu lu nume Scinnaru (Januarius).
Li dudici misi de lu calendariu Giulianu tanivene tutti lu nume propiu quasi comu moi ma l'atronumi, ca passavene le nuttate vardannu a ncelu, se ncorsara ca le stiddhe ca vidivene nunn'erene sempre le stesse pe tuttu l'annu ma canciavene, cchiui o menu, ogni mese. Varda e varda, vìttara ca ogni muntune de stiddhe cumpunia na ficura e cusì se mmentara li dudici numi de le custellazioni de lu zudiacu. Poi penza tie ca penzu jeu, se misara a ncapu ca tutte dhe stiddhe ivene servire a quarchecosa e criara cusì l'oroscupu. Se cridivene de veru ca le stiddhe mmannavene nflussi, boni o fiacchi su la Terra e nzignara cu fannu cridìre ca erene boni cu nduvinene lu nanzibanire de li ristiani a sacunnu ci erene nati quannu la Terra stia facciffrunte a la Statila o a lu Cancru o a lu Leone, eccetra eccetra. Sarà ca è mejiu ci me mmentu comu ve l'aggiu spiecare. Mmagginative comu quannu ca stati intra a nu neddhu bedhu ranne e tisu, cu susu, de la menza de intra, pittate le custellazioni e vui girati cu la Terra tornu tornu a lu neddhu ma cu lu Sule propiu a menzu. Siccomu tannu li ristiani se cridivene ca lu Sule girava a ntunnu a la Terra, l'astrolugi, stannu a susu a issa, vidivene lu Sule ca trasia ntra le custellazioni poste de l'avatra menza a lu neddhu. Pe quistu, ci unu vole cu ssaccia de cci Segnu è, basta cu barda drittu pe drittu a lu Sule, lu giurnu ca è natu, e vide ntra quale Custellazione se troa. Pe meju dire, ci unu è natu lu giurnu ca trase la Primavera, su lu neddhu, se troa de la menza de la Statila ma vide lu Sule drittu su l'avatra menza de lu neddhu, propiu su lu Segnu de la primavera, ciué: lu Muntune (Ariete).
Simu trasuti ntra lu terzu millenniu e nci suntu ncora l'astrologi ca cridene a sti nflussi e se mmentene: furtune, nnamuramenti nfatati, fatiche leggie ma pacate a pisu d'oru, caristie, guerre e malatie. Menumale ca sti marcanti de fumu stannu scumparennu chianu chianu de li giurnali e de la televisione e ci nc'è ncora quarcunu ca dimanna: tie de cci segnu sinti? - me menzu ca lu face cchiui pe sciocu cca pe cridenza.
Tuttu st'ammaradamma mò, cu be dicu ca jeu nu crisciu pe nenzi a ste fessarie de li nflussi de le stiddhe, ma però ve cunfessu ca a mie me piace cu sacciu ca lu Capudannu astronomicu meu, nzigna propiu osci, lu nove de Scinnaru, me trou de la menza de la custellazione de la Caura (Cancro) ma visciu lu Sule ca sta ssenn'esse de lu Sagittariu mentre l'astrolugi, ca nu tennu cuntu de l'anticipu astronomicu, dicene ca sto già sutta a li nflussi de lu Majatu (Capricornu).
Nussacciu quanti giri iti fatti vui, ma jeu osci, a paru cu bui, nzignu l'ottantacinquesimu GIRU tornu tornu a stu Sule su sta beddha còcala ca è la TERRA noscia, e ttocca cu ne la tanimu cridita ca, pe moi, tanimu ista sula!
![]()
![]()
Condividi e segnala 
