PRESICCESI NEL MONDO

STIDDHE

LE STIDDHE

E' notte scuruta, vardu a ncelu le mijara e mijara de stiddhe, stannu zziccate ntra de iddhe e a fiate, pe chire cchiu vicine, le visciu ca pìttene a ncelu “ficure”, ma stannu luntane, mutu luntane de mie e puru ntra de iddhe. La “ficura” ca sarta a l'occhi cchiui de l'avitre è lu Cacciatore ca tene la curiscia fatta de tre stiddhe. Poi se videne puru boni li do Traini chiru Ranne e chiru Piccinnu fatti tutti doi de sette stiddhe padunu. Na stiddha beddha ranne de lu Traineddhu stane propiu su lu tittu de la Terra e, de quannu lu munnu è munnu, de notte, rrizzonta li ristiani pe mare e pe terra.

Puru su la Terra nci stannu le stiddhe. Dopu mijara de “vaffattefafottere”, sparpajati de cquai e de dhai, nu Ristianu rricose, sutta a na “ficura” fatta de Cinque Stiddhe, tanti parsuni scuttenti de comu vanivene cuvarnati ntra stu Paese nosciu. Beddhi mei, ivene raggione cu se llamentene ma quannu, vinnara scucchiati cu cumannene, nu bosara cu se ccucchene cu ciuveddhi mancu cu chiri ca la panzavene quasi comu iddhi. Timivene, beddhi mei, cunussia vanivene mmalemparati e purtati a fiacche vie. A la turnata dopu, la “ficura” tania sempre Cinque Stiddhe ma iste erene ddavantate cchiu darlampanti percé muti ristiani l'ivene scucchiate ca parivene cumu “cumete”. Sta fiata però se ficiara persuasi ca vulivene cu cumannene ma nu truvavene li cumpagni giusti e cusì se ccucchiara cu lu nnamicu. Tira de cquai e strazza de dhai, quantu putia durare e cusì cu lu cavutu de lu State, se squajò dha picca coddha ca li tania zziccati e se scucchiara.

Moi stannu de unita cu chiri ca nunn'ivene vuluti la prima fiata ma li spunzali suntu de ntaressu senza core e senza more e tirene nnanzi comu meju ponnu. Mo, muti de chiri ca tennu le stiddhe a ncapu, nu tennu tutti la stessa capu e allora, ci pe dispiettu, ci pe invidia, ci pe cilusia, ci pe albagìa, sta llassene la luce de le Cinque Stiddhe e se fannu luce de suli pe cuntu loru. Lu Capu de li capi nu nci l'ane fatta cchiui cu sente li chiagnistei e cu bide stu fusci-fusci e piccarretu, senza dire né ai né bai se ne sciutu puru iddhu.

Nu boju mo cu fazzu malepinzieri, mannaggia a mie e a sta capu ca tegnu, ma simu sicuri ca erene nchianati cu cuvernene senza ntaressu ma sulu pe lu bene de lu Paese nosciu?

Simu sicuri ca nu sta cancene culure percé nu bolene, comu prumisu, cu dannu rretu li sordi ca pijene de cchiui?

Simu sicuri ca nu cancene culure percé timene cunussia, spicciati li do "mannati" de cuvernu, ttocca cu se ne vannu pe sempre a casa, propiu moi ca ivene pijatu custu?

Prima cu se stutene chianu chianu, li capintesta de ste Cinque Stiddhe volene cu se ccojene tutti ntra de iddhi cu raggionene nu picca e cu pijene na decisione pe lu nanzibanire ma nu fannu lu Cungressu comu tutti l'avitri, no, fannu li STATI GENERALI comu ficiara li cursupini nosci, prima de la RIVOLUZIONE FRANCESE. Speriamu ca sti stati nu portene fiaccu!