Creato da lgcasc il 06/09/2013

PRESICCESI NEL MONDO

Spazio d'incontro dei presiccesi

 

« DON TUNINUNOTTE ROMANTICA »

LU CUVERNU

Post n°105 pubblicato il 19 Maggio 2018 da ginoscirocco

Tratto da STROLACAMENTI 

A - Iti ntisu mancu ieri l'annu fattu lu Cuvernu.
C - E cci te ne futti tie, t'annu ffare Ministru? Iddhi fannu e iddhi sfannu, ci l'a criati!
B - Jeu me menzu ca nu nci la fannu cu lu fijene. Nu se ncordene filu ca fannu a ci tira e a ci strazza.
C - Nunn'era meju na fiata? Unu sapia pe cci ìa vutare: o pe li previti o pe li manciapreviti.
B - A dhe lebbriche turnamu ttorna. quannu ttuccava cu scucchi o la favice cu lu marteddhu o lu scudu cruciatu?
A - E g'era meju tannu! Quannu lu bonu ristianu vania lluminatu da lu Spiritu Santu e vutava la Croce e lu fiaccu ristianu vutava la favice cu lu marteddhu e fazza Diu!
B - Te paria a tie ca issu nu scuddhava de dha susu lu Spiritu Santu?
A - E pocca! Sacunnu tie , percé nu su boni cu lu fannu stu Cuvernu? Percé nu se votene a Diu e Iddhu de dha susu nu li duma la lampatina ca tennu a ncapu e fazza Diu!
B - Avutru cca lampatina dumata nci vole. Nu se ncordene ca volene cu cumannene tuttidoi e quannu ntra lu puddharu nci su do caddhi a cantare nu face mai giurnu.
C - Nu se ncordene ca annu misa muta acqua su lu focu e mo cu nu perdene la facce volene cu fannu tuttu e nu fannu nenzi.
A - A mie me basta cu me dannu li medici e le medicine franche e puru cu bascene lu rollu, ca mposta l'aggiu vutati.
C - Sarà ca l'imu fatta rossa sta fiata cu vutamu le Stiddhe, ci l'a criate! Tutti me dicivene ca ttocca cu vutamu paggina, ca li vecchi cu lu bafficeddhu nu cuntene nenzi cchiui e se ne futtene de nui quassutta e ca a naputama, beddhu meu, puru ca nu troa cu fatica, la paca ne la dannu lu stessu.
B - Poviri fessi tuttidoi, v'iti fatti pijare pe minchia! Ci issu cquai (rivolto ad A) nu prea Diu cu face lu miraculu de la murtiplicazione de li sordi, comu fannu cu bascene le tasse e cu pachene ci nu fatica? Meju era ci erene boni cu ne llevene li sordi a ci li pija senza cu fatica ca se mancene lu pane a tradimentu su lu cojuru nosciu.
A - E ci suntu sti fiacchi ristiani, a dhu fatichene?
C - Cittu, vane, nu me fare cu cuntu.
A - E cunta cci te ne scorni?

C - Me dici quante ure lu giurnu fatica fijata ca cu, la scusa de lu cafè, lu visciu sempre ntra lu barra.
A - Tie vidi sulu fijama e l'avitri nu li vidi? Fijama ntra tutti  è chiru ca fatica de cchiui, pareddhu e fazza Diu!
B - Nui la cosa ca sapimu fare meju de tutti su la facce de la terra è: comu faticare de menu.
C - Sacrusantu, la manu su lu focu, ci l'a criati! Ma, pe lu Cuvernu, me menzu ca nu se ncordene né osci né crai, feccattantu tuttidoi volene cu mantennu la palora data a li ristiani ca l'annu vutati.
A - Iti ntisu? Issi mmantennu le prumesse, nu comu chiri de l'avitri partiti ca cuntene e cuntene e poi se ne futtene de nui.
B - Le prumesse le mmantennu ci se fidene cu fannu li miraculi!
A - Ci nu castimi nu si cuttentu! Nu lu sai ca li miraculi li fannu sulu: Gesucristu, la Madonna  e li Santi e fazza Diu!
B - E tie, cu lu jutu de fijata lu prevete, zzicchi tutti li Santi a unu a unu, nci minti la Madonna e puru Gesucristu e ci nu bastene puru Domineddiu e bidi ca mprima mprima fannu lu miraculu e lu Cuvernu.
A- Mo ca t'ai sciacquata la ucca, sputa lu valenu, diavuluranne ca nu si avutru e fazza Diu! 

 

 
Commenta il Post:
* Tuo nome
Utente Libero? Effettua il Login
* Tua e-mail
La tua mail non verrà pubblicata
Tuo sito
Es. http://www.tuosito.it
 
* Testo
 
Sono consentiti i tag html: <a href="">, <b>, <i>, <p>, <br>
Il testo del messaggio non può superare i 30000 caratteri.
Ricorda che puoi inviare i commenti ai messaggi anche via SMS.
Invia al numero 3202023203 scrivendo prima del messaggio:
#numero_messaggio#nome_moblog

*campo obbligatorio

Copia qui:
 

AREA PERSONALE

 

TAG

 

ARCHIVIO MESSAGGI

 
 << Marzo 2024 >> 
 
LuMaMeGiVeSaDo
 
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
 
 

CERCA IN QUESTO BLOG

  Trova
 

FACEBOOK

 
 

ULTIME VISITE AL BLOG

prefazione09ginosciroccoaida631m12ps12annamatrigianopoeta_semplicedony686cassetta2gryllo73ibanez92gMiele.Speziato0marabertowclock1991lucylla_sd
 

ULTIMI COMMENTI

CHI PUÒ SCRIVERE SUL BLOG

Tutti gli utenti registrati possono pubblicare messaggi in questo Blog e tutti possono pubblicare commenti.
 
RSS (Really simple syndication) Feed Atom
 
 
 
 

© Italiaonline S.p.A. 2024Direzione e coordinamento di Libero Acquisition S.á r.l.P. IVA 03970540963