ScenaSul palcoscenico della vita... |
E ALLORA BEVO...
n'atu rito 'e vino
è rimasto...
Embè
che fa
m' 'o guardo?
M' 'o tengo mente
e dico:
"Me l'astipo
e dimane m' 'o bevo?"
Dimane nun esiste.
E 'o juorno primma,
siccome se n'è gghiuto,
manco esiste.
Esiste sulamente
stu mumento
'e chistu rito 'e vino int' 'a butteglia.
E che ffaccio,
m' 'o pperdo?
Che ne parlammo a ffà!
Si m' 'o perdesse
manc' 'a butteglia me perdunarrìa.
E allora bevo...
E chistu surz' 'e vino
vence 'a partita cu l'eternità!
AREA PERSONALE
TAG
MENU
I MIEI BLOG AMICI
'A CHIENA E 'A VACANTE
Cu na nutizia bona e n'ata triste
se ne passa sta vita e se ne fuje.
Tu nun fernisce 'e dì: -Viate a nuie!-
ca t'he''a mettere a dì:
-Comme se fa?-
Abbusche mille lire fore mano,
e pienze: -Mò m''e spenno a Mergellina!-
'A stessa sera, pè na medicina,
ce miette 'o riesto e ll'he''a sacrificà.
E' nu scunfiro! Pecché a cunte fatte
cammine sempe, ncopp'a chistu munno,
cu nu pede pè terra e n'ato nfunno
e si te stanche nun te può assettà.
'E NOTTE
Tutt'è silenzio dint'a sta nuttata
nun se sente nu passo 'e cammenà.
Nu ventariello tutta na serata
pare ca me vuleva accarezzà...
E finalmente chiagno! Tu nun vide,
tu staje luntano, comme 'o puo' vedè?
Però t''o ddico pecché tu me cride
e si me cride, chiagne nzieme a me!
Scenne stu chianto lento, doce doce,
nun aizo na mano p''asciuttà.
Io strillo pe' te fa' sentì sta voce,
ma tu nun puo' sentì...c'allucco a ffà?
Tutt'è silenzio...ncielo quanta stelle!
Affaccete, tu pure 'e ppuo' vede;
songo a migliare, e saie pecchè so' belle?
Pecchè stanno luntano, comm''a tte!
NON PERDI MAI NIENTE
Se guadagno quattrini col lavoro,
dando un quattrino pel disoccupato,
alla fine dei conti che gli ho dato?
Un poco di lavoro.
Se li guadagno fregando gli altri,
perchè forse al lavoro non ci credo,
allora tanto meglio: che gli cedo?
Il lavoro degli altri.
Accussì dice 'a gente
pe' te da' na risposta
quanno tu parle,
per esempio,
a schiovere
pe' fa' cuntento a uno
o pe' te fa' n'amico:
-Vuie site nu signore!-
-'O Signore sta ncielo-,
te risponne.
E te vo' fa' accapì
ca c''o ncenziero,
ch'e' cerimonie
e c''a pulitica
nun se spogna 'a galletta,
anze se ntosta.
E 'o favore ca cirche
nun t''o ffà.
'O PENZIERO
E ca tu studie pe' cagnà 'o penziero
ca tiene ncap'a te-
ca nunn'è cumm''o mio,
ch'è ciente vote cchiù meglio d''o tuio-
nun nce faie niente!
Nce refunne 'a salute;
e si te ostin'
peggio pe' te:
nce puo' perdere pure 'a dignità.
Tu tiene nu penziero ch'è d''o tuio?
Nun sarrà nu penziero ca fa luce,
ma è sempre nu penziero:
tienatillo cumm'è!
Che nce vuo' fa' si nuie,
ncopp'a sto munno,
nascimmo c''o penziero fatto e buono?
'O RINACCIO
'e mussola
'e cuttone
'e battista liggiera
o 'e tel' 'e lino-
se fa vecchio
e p' 'a vecchiaia se sgrana,
lassat' 'o sta' sgranato.
Meglio nu panno chin' 'e sgranature
ca p' 'o tiempo
e 'a fatica
s'è sgranato,
ca chilli panne
tutt'arrepezzate
ca vonno parè nuove
e songo stracce,
stracciate 'a sotto...
e 'a coppa unu rinaccio.
| « Poesie catartiche | Ti voglio bene » |
|
Post n°28 pubblicato il 23 Febbraio 2007 da palcoscenica
C’HO DIO C’E’ TUTTO COMPRESO |
Condividi e segnala https://blog.libero.it/Scena/trackback.php?msg=2333828
I blog che hanno inviato un Trackback a questo messaggio:
|
|
INFO
'A PAURA MIA
Tengo nemice? Faccio 'o paro e sparo...
'E ttengo mente e dico: "Stongo ccà!"
E nun tremmo si sent' 'e dì: "Te sparo!"
Chillo c' 'o ddice, 'o ddice, nun 'o ffà.
Si è p' 'o buciardo, nun me movo,aspetto.
('A buscia corre assaie, ma campa poco).
'O vuò vedè? 'O canusce comm' 'o "sette",
va pè parlà, se fa una lamp' 'e fuoco.
'A calunnia? E chella "è un venticello",
dico vicin' a 'o viento: "Nun sciuscià?"
Quann 'ha fatt' 'a sfucata vene 'o bello,
allor' accumminciamm' a raggiunà.
E manco 'a morte, si me tene mente,
me fa paura. 'A morte è generale.
Ll'uommene sò rumanze differente,
ma tènen' una chiusa,unu finale.
M'arròbbano? Arreduco mmiez' 'a via?...
J' fatico e addevento chillu stesso,
ma,quanto voglio bene a mamma mia,
a mme me fa paura sul' 'o fesso!
ULTIME VISITE AL BLOG
Volgo questa preghiera al nostro Dio,
se veramente esiste:
su questo mondo triste...
Tu, "generoso", quando mi creasti,
per tuo volere augusto,
un destino crudele mi donasti:
quel di vedere giusto.
Vedo l'analfabeta, il buonaniente
stimato e rispettato;
l'idiota fa carriera più repente:
diventa letterato!
Quanti t'hanno pregato con fervore:
"Dio mio, fammi morire!"
Io non ti chiedo questo grande onore,
ma... fammi incretinire>.
EDUARDO de FILIPPO
CHE D'è STA MALATIA
Che d'è sta malatia ca mm'è venuta,
stu fatto ca nun voglio vedè 'a ggente...
Chi m''ha mmiscata, chi me l'ha mettuta
sta freva ncuollo ca me dà turmiente?
Chille ca sule parlano
se dice ca so' pazze o so' fissate,
so' chilli tipi c'hanno perz''a bussola
pe' na femmena, o stanno disperate.
Io tengo 'e solde, so' vuluto bbene...
me lament''e che cosa?
Chi m''ha mmiscata chesta malatia,
sta freva ncuollo chi me l'ha mettuta?
Io parlo sulo,crideme,
mmiez'a na folla 'e ggente
ca nun veco; sento parlà e risponnere
dicenno sempe 'e stesse fessarie...
Ma fosse chesta 'a freva e 'a malatia?
CHE TE MPORTA?
Cumm'è stato? E che te mporta?
Che te mporta d''o sapè?
E' passato? E nzerra 'a porta
senza sèntere 'o pecché.
Vaie spianno, addimannànno...
a che serve addimmannà?
Pure 'a chille ca te sanno
nun appure 'a verità.
E mettimmo ca nu tizio
dice: -Andò così e così-...
He' perduto tutt''o sfizio:
'o passato adda murì.
'E PPREGHIERE
Chi tenesse na figlia malata
e 'a vulesse salvà cu 'e preghiere,
se mettesse vicino assettato,
s''a guardasse, ma senza pregà.
'E ppreghiere so' belle e so' care...
è questione ca quanno he' pregato
e po' vide c''a figlia scumpare
nun te puo' nè accusà nè pentì.
Nun date retta
quanno c'è chi dice:
-'O sole me fa male,
'o viento pure...
'O tramonto me mette npucundrìa-.
Sapìte 'a pucundrìa
chi l'ha mmentata?
L'ommo spuorco
ca nun se lava 'e riente
e nun po' rridere!
-C'adda di'...dice chello
ca se po' ddi' quanno staie ncroce,
quann' he' perz' 'a speranza,'a forza,'a voce
e vide atturono a tte tutte nemice.
'E muorte fin'a mmò songo vintuno,
ciente ricoverate e tre suspette-.
-'E nomm' 'e mmette?-
-Comme, nun 'e mmette!
E' tutto chiaro, nun ne sfugge uno.
Però, che t'aggia di'...chistu culèro
sape addò mett' 'e mmane e ll'uocchie pure.
I' cchiù ce penzo, cchiù nun pare 'o vero:
trase int' 'e vasce, và p''e vicarielle...
Nun ce passa p' 'e strade d' 'e signure,
se và piglianno sul' ' e puverielle!-
SI T' 'O SAPESSE DICERE
Ah...si putesse dicere
chello c' 'o core dice;
quanto sarria felice
si t' 'o sapesse dì!
E si putisse sèntere
chello c' 'o core sente,
dicisse:-Eternamente
voglio restà cu te!-
Ma 'o core sape scrivere?
'O core è analfabeta,
è comme 'a nu pùeta
ca nun sape cantà.
Se mbroglia... sposta 'e vvirgule...
nu punto ammirativo....
mette nu congiuntivo
addò nun nce 'adda stà...
E tu c' 'o staje a ssèntere
te mbruoglie appriess' a isso,
comme succede spisso...
E addio felicità!
