Si viaggiare

ieri la pizza Margherita ha compiuto 120 anni e allora...

BUON APPETITO

‘A pizza Margherita  

‘A Riggina Margherita tant’anne fà

se fermaje a chesta bella città,

e dicette accussì vicino ‘o Rre:

“Tengo ‘o desiderio ‘e me magnà

na pizza, Umbè  fermammece ccà.”!

E ‘o pizzajuolo cu arte napulitana

in onore suojo.. ‘nventaje

na pizza bella, ma bella assaje:

“Pigliaje na fronna ‘e vasinicola

e ll’aunette c’‘a muzzarella

chella ‘e bufalo… ‘a cchiù bella,

e ce mettette ‘o zuco d’‘a pummarola

e ‘o spannette ‘ncoppe ‘a pizza

cu tutt’‘a passione e ll’ammore…

e cu nu pizzico ‘e fantasia

criaje  ‘a pizza  tricolore.

Accussì cu grazia e cu maniera

ce ‘a presentaje annanze ‘a Riggina...

comme se presenta ‘a banniera.

Essa tutta felice e cuntenta

dicette : “Guaglio’ è sapurita!

Comme se chiamma ‘sta nuvità?”

“ ‘A pizza Margherita!…

 L’aggiu miso ‘o nomme Vuosto

                                     ....Maestà!” 

Ciro Borrelli in arte Massenzio Caravita