IMBOLC !

In de la Tradizion celtega de tucc i temp, i ritual che vegnen parnonzià deven vegh i "paròll" del loeugh in doe che semm: chì a Milàn, devom parlà Milanès, presempi. Sora el lach de Còmm el Brianzoeul e inscì via.

Scominciom con el primm ritual de la Candelora che in di popolazion celtegh se ciama IMBOLC e el se festeggia el 2 de Febbrar quand che la greva la scomincia a svejass dasin dasin.

Chicchinscì fasemm domà on presempi de ritual.

El necessari per la purificazion: 
busserin, candira bianca, ross òcria, acqua, incens, amolin, basger (legn) de beola con taccà sora di bindell ross, bianch e negher.


Per scomincià devom segnà in de la greva, cont el basger, on serc, intorna de nunch in del sens orari. Pizzà la candira bianca e l'incens pondà de la greva.

Benedizion de l'acqua e del foeugh:

"Assema la Dea de l'Acqua
Cont i potenz sòtta la greva
demm grazi per le acque benefich.
Con la potenza del tri vòlt tant,
Aves de Benedizion in quist dì d'incoeu.
Che la lus del foeugh
el devegn la fiama Magica
el devegn la fiama di Rivendicazion
el devegn la fiama d'Ispirazion
per podè vegh la Divinitaa in quist Sacher Serc Druidich."


De chì devom ciappà el ross òcria mettuu in del busserin, con la man destra, fasend s'giaccandel in di quatter sblusc (pont) cardinai.

Benedizion de tucc i gent:

"Che la Dea Belisama la poeud semper vess chì de cà 
Che la Dea Belisama la poeud semper vess in di nòster Anem
Ch'el poder del scaiasc che tì t'ee miss giò 
el poeud ciappà radis, fiorì e devegnì real.
Ch'el foeugh Sacher scoldi i nòster Coeur."


Poeu, ciaschedun el ciappa el sò amolin pocciandel in de l'acqua consacrada e el sara suu.

Naturalment tucc quest el dovaria vess fà in d'on loeugh in del bosch, in doe che gh'è on riaa o ona font d'acqua, on aves.
I gent dovarien vestiss de verd o de bianch, color e simbol de quell dì chì.

BON ANN !!!

CHE EL 2010 EL SIA EL PUSSEE SBARLUSENT 

Tant per scomincià

Benvegnuu !

Benvegnuu a tucc !

quest chì a l'è el blog del mè primm liber scrivuu totalment in lingua Milanesa.
A l'è on recoeuj de poesii assema a on glossari piscinnin, in doe che a gh'hinn tucc i vocabol ch'hoo doprà per scriv.

Per el moment a l'è possibil crompall domà via Internet.
In del mes de febbrari anca in di librerii de Milàn.