‘O babà Primma ‘e Natale giravano accussì pe’ Napule,San Giuseppe ‘a Madonna e ‘o Bammeniello,doppo magnato ‘a cantina, pasta e fasulecu quatte cape ‘e sasicce e cu ‘e friarielle... se vuttajeno ‘e spicce ‘e spicce dint’‘a na pasticceria“Peppì, Peppì p’‘o doce jesco impazzì, c’aggia fa?spicialmente p’‘a pasticceria napulitana...è na fantasiatu pigliàte chello che vuò io assaggio chistu babà! Peppì, Peppì passame nu sarvietto me stò spurcanno chistu babà è chino‘e ruhm…stà scurrenno,e comm’ è sapurito ‘e ddete me stò alleccanno!“ Marì, Marì ma che faje ‘a ggente te stà guardanno!” E cche me ne ‘mporta chistu sfizio m’ha dda passàso’ duimila anne sempe ‘e sstessi ccose...uffà!Peppì Peppì… nun veco ‘o Bammeniello addò stà?“Marì, Marì stà llà, se stà magnanno pur’Isso nu babà!” Peppì, Peppì st’anno ‘e Re Magi saje che te voglio dì?‘mmece ‘e purtà : Oro, ‘ncienzo e ‘a bbirra (‘a mirra Marì!)‘e facimmo purtà nu paro ‘e guantiere ‘e chisti babà…p’‘a Madonna tutto ‘o Presepio ll’aggia fà cunzulà! Ciro Borrelli in arte Massenzio Caravita