napule

Post N° 196

È NATALE!

O palpito ‘e mille campane
che sonano p’‘a mezanotte
‘a gioia che da’ st’ammuina
anticipa nu quarantotto.

Aunite, c’‘o sciato ‘e ll’affetto,
ce sta’ tutta quanta ‘a famiglia
è doce a campà stu mumento
ch’astregna sti core, atturciglia.

Miraculo ‘e n’attimo ‘e pace
na sosta pe’ l’anzia e l’affanno
pe’ nuje, ca pasture ‘e presebbio,
avimmo campato nat’anno.

Vurria ca stu tiempo nemico
putesse fermà sti minute,
sti ffacce, sti vvocche, sti mmane.
na voce ch’allucca: Salute!

Chist’uocchie che guardano ‘a cimma
‘e n’albero addò l’abbundanza
sta dint’‘e ggranate d’‘e lluce
ch’appicciano ‘o ffuoco ‘e st’ausanza.

Chist’uocchie ca cercano ‘o bbene
tra mille culure ‘e biancale
stunate e ‘mbriacate p’‘o vino
mo so’ lampe ‘e vita, è Natale!

Luciano Somma

auguro a tutti voi uno strepitoso NATALE

spero che una luce brilli nel vostro cuore nonostante le difficolta' e le prove che la vita a volte dona. BACIONI A TUTTI

P.S. un augurio speciale lo voglio fare a te.... piccolo angioletto forse non ho dimostrato molto ma il tuo volo mi ha fatto male....

 per finire il mio pensiero va' a una persona....( chi boi mi sei passato per la mente non te la prendere, tanto non vieni mai nel mio blog devo pregarti),

 BUON NATALE CRETINUZZO TI VOGLIO BENE DAVVERO   GRAZIE.... BACIAZZI