dialèt bressà

al sentiment ( da Trilussa, 1914 )

Ona óltä on Pissù 'l ga fa al sò s'cèt:

 - Prim de lassà 'l nì e vulà 'n gir,

bisognä che te faghe on discorsèt.

Stà atento a l'òm! 'L te darà la caciä

perchè l'è on bojàciä: ma, se tat per fa'

ta ghe tóchet el cör e la sensibilità,

ga vé i öcc ràs, e i-à sügä co la ma'.

Potä però, se ta capétä de nagä a tir,

digä che ta ghé la fomnä che ta spetä...

lü 'l ta coparà miä, perchè 'l rispetä

'l sentiment de amur de la famìä.

Se chèsto nó 'l fa' efèt, ta ga disaré

che, a fa' 'l Pissù viazadur,

ta podaré salvà la Patriä dai guai;

deànti al patriotismo

el sa àssä 'ndà e 'n de la mènt

'l pensä al Risorgimènt,

e a l'altruismo.

Se l'è migä assé, dì che ta sét parènt

del Spirito Santo, che l'è on Pissù:

sul al pénsér de la religiù

el ta cüsinarà migä, sicüramènt:

ma... àrdä che 'l gabe fat colassiù!