‘A brasciòla Muglierema, ‘a dummeneca mmatinac’‘a tiana ‘ncoppe ‘o fuoco,fà ‘o rraù,se sente n’addore pe’ tutta ‘a cucina… p’‘a priezza nun capisco niente cchiù. E ‘o ffà cu ‘a carne e ‘e ppummarole….e mentre ‘o ssente ‘e pappulià,ce vòtte dinto na bella brasciòla.è na coténa ‘e puorco,ve fà cunzulà. ‘A brasciòla, comme v' aggiu ditto è ‘a cotena, senza pile e senza ‘rasso.vide na cosa molla a primm’acchittoma cu passere e pignuole: È nu spasso! Chesta pietanza è fatta a regola d’arte:C’‘o cuttone è arravugliata! E si ‘a tagliate?Chella ‘a sarza schizza pe’ tutte parte!E stateve accorte, se no ve ‘nguacchiate! Chi vo’‘o piezzo ‘e carne, chi ‘a purpetta… chi ‘o nervo, muglierema pe’ fà felice a mme…dice: “ Venèno primma ‘e figlie! Tu aspetta!E all’urdemo: Tiè,‘sta brasciòla è tutta pe’ te ! Ciro Borrrlli in arte Massenzio Caravitacon simpatia "gastronomica" dedicata a te