NA PREGHIERAOggie ‘o 16 ‘e nuvembre d’ ‘o millenuvicientonuvantotto,è sera songo ‘e servizio ‘a Pediatriad’ ‘o primmo Policlinico ‘a Napule e songo na Guardia Giurata.Ll’ascìuta pe’ reparte l’aggiu fatta già;sto’ assettato dint’‘a purtineriaareto a chesta scrivaniacercanno e scrivere quacche poesia.Stò ‘e cuntraggenio ‘a voglia m’è passata,‘a quanno aggio ‘ntiso ca nun stà buono nu criaturo ‘e tre mise.Aggio visto ‘a mamma e ‘o pate cu l’uocchie chino‘e lacreme, me sò avvicinato a lloro p’‘e putè’ cunfurtà.Ma nun tengo ‘e pparole e nun ‘e ssaccio truvà!Dint’a chistu mumento stò guardanno ‘a Madonna…che strano ll’aureola stà stutata mò ‘a vaco ll’ appiccià!‘a faccio stà tutt’‘a nuttatta appicciata!Madonna mia…comme vurrìa ca ‘sta luce arrivasse ‘o core Tuojo,si Tu scennisse nu mumento ‘a cieloe ‘o criaturo t’‘o strignisse forte ‘mbraccio a Te e cu na mano asciuttasse ‘e llacreme d’ ‘a mamma,dicenno: Nun chiagnere ca ‘o figlio tuojo se sarvarrà!Madonna mia… fà ca s’avvera chesta preghiera mia! 16 Novembre 1998 MASSENZIO CARAVITA