Lu blogghe

a funghe

2012-02-24T11:40:24+01:00

Allu mese d magge, sopra a Camp ‘mperator, si la staggion e bone, abbije a scì le funghe pratajiule. A me li funghe piace na freche ed è pe quelle che tutte l’anne m’incolle lu cistarelle e li vajie a cojie. Lu mese di magge scorse, partemm ie e mogljeme ‘nghi la 127 e arrivemm a la muntagne chi ere angor scure. Aspittemm cà si fice jiurne e calemm ognun ‘nghi nu cistarell sott a lu vracce e abbijemme a circà li funghe, ma di funghe ci ni stejie poche...

Cammin ca ti cammin abball pì la pian, a nu cert punt m’abbije a fa male l’ernie inquinalo e pe lu dulor mi iettive ‘nderr come nu stracce...

-“Ahie, ahie, Oddije quand mi dole!!!”. Mi mittive a strillà.

Come send li strill subbit mogljeme, cà stejie ‘mbo lundan, vè verso di me tutt allarmat.

-“Chi fatt o ‘Ndo!? Chi tà success!? Mica t’ha pizzicat nà vipero?”. Diss mogljeme.

-“Ma qual cazz di vipero!!! Ekk mo mi si ni esce ‘ndutt l’ernie!!!”.

-“ Oddije, Oddije!!! E mò coma feceme?”.

-“’Ndundì, coma vu fa? Curr a chiamà cacchedune!! Muvete!!”.

-“Addua vaje? A ecche ‘nzi ved nisciun e la strade sta lundane, e dapù tinghe angor li stozze e mi pes pur... Mo mi li magn cuscì m’alleggerisce lu pes”.

-“Ti pozzà acchiappa n’accidend, ie sting ajacciate ‘nderr e mi stinghe a torce pe lu dulore, e tu ti mitt a magnà?”

-“Ma a me mi te fame!!! E dopo ie chi ti pozz fa? Che lu dulore e la mi? E lu ti! Però pur tu... Chisciccis!!! Se ti daveje sintì mal nin ti putigljie sintì mal vicin a la strad?”. E intant cuntinuejie a magnà...

-“E lo sò!!! Mo mi li pozz pur capà lu pust pì sindirm mal... Angrazie Dije cà sting iettate ekk ’nderr sinnò vidije le sardelle a lu muse che ci pijie”.

-“E si ti mure? Come ti ci strascino a la machine? Dai arrizzit!!! Pruv a camminà, circhem di ji vers la strad, almen si ti mure cacchedune ti po’ arcojie”.

-“Ma chi piccat so fatt? Tra tutt li femmin chi ci sta a lu monn proprie la chiù disgraziate me avejia capà?”

-“Ah chi bell ringraziament!!! Chiuttoste, aiuteme a magnà cacche stozze che sennò me le tinga arpurtà tutt arrete e mi pese la cistarell!”

-“Ma ie mi stenghe a torce pì lu dulor e tu mi dice pure ca tinga magnà sennò te pese la cistarell? Ma quest è matte pì davere!!... Aspitt, aspitt, pare ca me se ne sta a passà... Zitt tu, ca lu dulor mò è chiù poche”.

-“Grazije a Dije, allora mò arrizzite e magnite na stozze pur tu, tant ci n’armast une sole”.

-“Frechete!!! Tutt cos ti magnat, nen gì lassat nind?”.

-“Pì forz, tu nin mi aiutat!! Si ti murije mica putejie ji a chiamà cacchedune ‘nghi lu cistarell pien?”.

A che lu punt aguardive mogljme e gli dicive:”La mogljà mì, ti arraggion!!! Se m’avess mort t’avviss putute magnà pur l’utima stozza... Vida quand se stat sfurnutat!!!”.

A chi lu punt me sò ‘ngullate la cistarell, sò arionde a la machine e me ne so arjite da sol, mogljeme li so lassat a la muntagne e li so fatt arvinì a pete a la casa.

A ‘rvinuto che ere nott, e pì lu dulor a li pit comminejie coma na papira mut.

Ie le steve aspettà for a la port, assittat sopr a na segge, a magnarm nà bella stozz...

a la scole

2012-02-13T13:16:41+01:00

Tante temp fà, quand er ancor nù mammuccione, tinejie n’amicizie che, beat a esse, putejie ji a la scole, se chiamejie Alfiero, e a la famijie si dicejie Cuccione. Lu patre tinejie li quatrine e li mannò a studia fore, sol che st’amic a me, invec de studià, pinzejie sol a spenne le sold di lu patre. Del rest come faceje a studià un che je si dice Cuccione?

A nù cert punt però, lu direttor de la scole li chiamò a rapport e je desse:

- ”Alfiero, sto per mandare una lettera a tuo padre dove gli illustro il tuo pessimo andamento scolastico, mi spiace ma sono costretto ad avvisarlo”.

Alfiero divintò bianche come nù lenzol, scie dalla stanzie de lu dirittor che ji trimejie le cosse. Passò nà nuttata brutt assai, pinzejie a tutte le botte che lu patre j’avesse date appen liggejie la lettere. La matin appress però ie vinne nà bella penzate, e tilifunò a la casa:

- ”Concettì, sò Alfiero, ci sta papà?”.

- “Padrunuccie me bongiorn, no, patrite ‘ngi sta”.

- “Chiù mijie, allora sintime bone”.

- “Dimme padrunù”.

- “Tra cacche jiurne ve a la case Giuvannin, lu pustine, e port na bust gialle pe papà, tu pije sta lettere e annascunnele, dopo quand arivinghe li dì a me. Si capit?”.

- “Padrunuccie me, che mi vu fa ji carcerate?”.

- “Ma qual carcerate Concetti!!! Tu fa come ti sò dett, cà dop ti facce nù belle regale”.

- “ Va bone, coma dice assignirì”.

Alfiero putejie cuntà sulla serva Concettina, anche picché l’avejie viste a cresce, in tutt li senze...

Quand ariò a la case, Alfiero si fice dà la letter a Concettina e venne alla casa me.

- “Oh ‘Ndò, so Alfiero, pù sci nu mumende da la stalle che t’aia parlà?”.

- “Ueeee Alfiè!!! Chi s’arved, come mai hai armenuto?”.

- “Tighe nù prubblem gross assaie e mi da aiutà”.

- “E chi prublem ci sta? Dimme che tà success”.

Alfiero m’arcuntò tutto pì fil e pì segne e mi liggiò la letter. Lu fatt era serie assai, lu patre s’avess saput che alla scol jieve mal gli spicciulejie la cocce.

Pinza cà ti pinza, ci vinne ‘mend na soluzion...

Ie cà ere chiù grosse da esse di cacche ann e avejie già fatt lu suldat, puteje passà com lu fratell chiù gross, accuscì a parlà ‘nghi lu dirittor dilla scol c’avess jite ie a lu post di lu patre. E cuscì facemme...

Organizzemm tutt e ci prisindemme nà matina alla stanz de lu dirittor.

- “Buongiorno direttoro, io sono ‘Ndonje, il fratello maggioro di Alfiero, nostro patro non ha potuto meniro perché sta inciambato in campagna con l’operaie e a mandato a me, ditemi che cosa ha combinato questo scavezzacallo di mio fratello”.

- “Caro Signor Antonio, come ho già scritto sulla lettera che voi avete letto, purtroppo il Signorino Alfiero non studia come dovrebbe”.

A la detta a cuscì, mi gir verso Alfiero e ie tire nà sardelle ‘mbaccia a lu muse.

- “Adesso calmatevi, non è il caso di infliggere punizioni corporali”. Dicette lu direttor.

Invece facive partì n’atre leccamuse che n’atre ‘mbo facejie cascà Alfiero da la segge.

- “Calmatevi per favore, non fate così, in fondo il ragazzo è intelligente e può recuperare”.

- “Ah si? Puo’ recuperaro?”. E intante parte n’atru mafrone.

- “Vi prego, adesso calmatevi”.

- “Direttò, ma io sono calmissimo”. E mi mittiv a tirà nà recchie a Alfiero.

- “Se avessi saputo non avrei mai mandato quella lettera, la punizione mi sembra veramente eccesiva”.

- “Direttò, invece avete fatto beno” e part n’atra saraca 'mbaccia a lu muse de Alfiero.

- “Comunque credo che adesso il ragazzo abbia compreso la lezione, vero Alfiero?”.

Alfiero, mentr s’ammantinejie lu muse, facejie sci sci ‘nghi la cocce.

A chi lu punt cià arrizzemm e ci salutemm, ma prim di scì Alfiero ci piò pur nà zampate a lu cule. Lu direttore steje proprie murtificate, a me invece mi steje a vinì da rite.

Infatte appena scemme la fore, m’assitive sopra a nà panchine e mi mitteve a rite come nù pazz.

“Chi cazz ti rite?”. Disse Alfiero tutt scucciate.

“Alfiè, stinghe a ripensà a la faccia ti e a quelle di lu direttore. Tu nen putije dice cà ie ninn’ere fratete e esse tinejie paure cà deve cacche smafrune pure a ess”.

“Oh ‘Ndò, si che ti dice? Mavaffancule... Si ci purtejie papà mi ni dejie chiù poche”.

n'ucchie sol

2012-02-02T13:21:38+01:00

Stù mese de dicembr ie e cumbà Francische di Cocciadore, cà purtropp armaste ‘nghi n'ucchie sol, dicidemme di je a cacce de beccacce a la muntagne. Li passive a pijà ‘nghi la machene a la casa sù cà ere angor nott, ‘nzichemme pure lu cane a sù dentre a la gabbie arrete a lu portabagaie, e partemme...

Quand arrivemme su a la muntagne, ci stejie nà ghiacciate cà avejie sbianchite tutt lu bosche, e facejie nù fredde cà ce se ciucculejie li dinde, n’atru mbo’ si ruppeje pure l’ucchie de cristalle di cumbà Francische... Ci facemme curagge, e c’è facemme pure nù bicchiere di vin cotte, e calemme dalla machine... Coma ‘ndremme mezza a lu bosche, li can fici partì nà beccacce, ie subbet je sparive nà scuppettate ma n’accuieve, e cuscì arrete e la scuppettate partò pur nà vrangate di Santissime...

- “E’ cose che succed cumpà, ‘ndi preoccupà cà mò l’aritruveme” mi diss Francesche.

Infatte dope cirche nà mezz’ore di cammine, li cane aritrove la beccacce. Stavote a sparà è Francische che ne sbaie lu colpe... Cuntinueme a cammina dendre a stu bosche ed ecc cà li can ci scove n’atra beccacce. Sta vote a sparà sò ie, e pure sta vote parte nà freche di Santissime...

- “Sò cose ca’ succed cumpà, ‘ndi preoccupà cà mò l’aritruveme” mi diss n’atra vote Francische.

Infatte dopo cirche nà mezz’ore di cammine, li cane aritrove la beccacce. Spar n’atra vote Francische e ne sbaie lu colpe manghe stavote...

Jeme annanze e a nù cert punte ie ved li can cà sembr cà stann a sintì caccose... Subbite mi mette allerte e strille:”Cumpà Francè, occhio!!! Cà mo part n’atra beccacce!!!”

- “Cumbà, proprije a me mi vi a dice “occhio” cà ni tenghe une sol?” mi disse Francische.

- “Scuse cumpà, m’aveje scurdate” e ci mittemme a ride come dù scime.

Comunque cumpà Francische acchiappò pure st’atra beccacce...

Ariemme a la machene cà s’avejie fatt ora di magnà, stavame tutt suddisfatte pì la bell matinat passat a cacce...

- “Cumpà, pe quand sti cuntend ti rid l’ucchie!!!”

- “Oh ‘Ndò, ma allore li fi appost!!! Chi cazz mi vò ride si tinghe n’ucchie sol?”

- “Francè, chisciccis, tu ‘nghe n’ucchie sole i sparat a li beccacce e li acchiappat, ie invece ‘nghi tutt e dù l’ucchie bone nen ne sò acchiappat mangh une... Mi sa cà pe ogge lu cecate sò ie e no tu”.

- “Ti arraggion cumpà, sta vote ha fatt chiù n’ucchie da sol cà dù ucchie aunite!!!”.

E che nà risate arpartemme pì je a la case...

Dunat la cajola

2012-01-27T11:43:32+01:00

L’atru jiurne a la cantin stavam ie, Pepp di Fasciul e Dunat la Cajola a farce nù bicchier di vine. A nù cert punt Dunat ci dice:”Cumpà, dumane parte, vaje a Fiugge pè farm le term”. Ie e Pepp c’aurdeme sbauttite, e je diceme:”Dunà, ma che t ‘mattit? Mò te mitte a beve l’acque? E se dope ti fa male?” Dunat, tutte scunzulat c’àguarde e ci dice:”Ma chi tinghe da fà? Me l’ha dette lu mediche!!”. E cuscì Dunat partese pe Fiugge...

Quande arrivate all’alberghe, mendre stejia andrà, ‘nghi la valisce schioffe m’baccie a ‘na signore che stejà a sci.

- “Stia attento!! Guardi dove mette i piedi” je diss queste.

- “Signò, scusate se mi ho introppicato, ma eravato lei che venivato da mano manco” dicise tutte murtificate lu povere Dunat...

La signora l’auardise come s’àguarde nù marziane e se ne và tutte predichenne...

Dopo ‘mbò di tembe ie e cumpà Pepp, decidem di ie a truvà cumpà Dunat a Fiugge pe vedè se l’acque iavè fatt male. Quand arriveme all’alberghe diceme alla signorine chi stejie a lu bancone se ce puteje chiamà cumbà Dunat.

- “Cari signori, mi dovreste cortesemente dire il cognome del signore che state cercando, altrimenti non posso aiutarvi” dice la signorine, chi ere pur bone.

- “Eh mò coma faceme? Chi se l’arcord coma fà di cugnom Dunat? Li si tu?” mi disse cumpà Pepp.

- “Ie nè saccie lu cugnom a mì, fgurt si me pozz arcurdà quell di Dunat!!! Mo ci penzo io” ia responne.

M’avviciniv alla signorine e ie dicive:

- “Nù lu cugnome ‘ni sapeme, però se pruvet a chiamà Dunat la Cajiola sicuramente culle ve capisce”.

La signorin prim c’àguarde ‘nghi nu mode strane, dope si fa curagge e pijie lu microfone e dice:”Il signor la Cagiola è desiderato alla reception. Ripeto, il signor la Cagiola è desiderato alla reception”.

Ie a’guard Peppe e ie dice: “Hi vist combà quanda sò fregn? Mò vid cà Dunat arrive!!!”

Dop nun bò di temp ecche c’arrive tutte arliccate cumpà Dunat, cià guard brutt e ci dice:”Siete dei vermini!!! Coma và vinut ‘nmende di farme chiamà la Cajola? Ie di cugnome faccio Cocciasecca!!!”

- “Dunà, ma chi ti ni scit addavere di cocce? Nù c’aveme fatt nù sacc di chilometre pe menerte a truvà e tu t’inghizze pì lu cugnome? E quand mai c’aveme chiamate pe cugnome? Mi sà cà a beve l’acqua tà fatt male veramend” ia responne.

A che lu punt pije sottebraccie cumpà Pepp e lasseme sol come nù sceme Dunat...

Prima di andaro via però ci fermeme alla signorin che stejie a lu bancone e ie dicive:”Signorì, ma che ‘mezz all’acque ci mittete caccose chi fa ammatti la gent?”

- “Ma cosa dice? Assolutamente no!! Anzi, la nostra acqua è buonissima” dicette la signorine.

- “Signorì, l’acqua vostre sarà pur bone, ma annù ci piace lu vine... A proposite ci stà nà cantin ecca vicine?”

Pepp & Filumene

2012-01-24T12:19:47+01:00

Cumpà Pepp di Fasciule se cumbrò ‘mbo de temb fa n’Ape Piaggie vrdone. Ieve a spass pe lu paese come se purteie nà Ferrar. Quande ‘ngundreve cacche d’une pì la strade mang le saluteie, tant si sendeve ‘mburtant... Dendre all’Ape cacche vote, quand l’aveia caricà di frutt e verdur, ci purteie pur la mojie, cummara Filumena... Quand ce jeve aunite, dentr all’Ape stevene talment strett cà cumpà Pepp appen appen arisceve a mov le vracce... Nù jurn cà aveie piovute, cumpà Peppe e cummar Filumen stevene arije a la cas ‘nghi l’Ape cariche dop che avejene stat all’ort. La strad er ‘mbuss, Peppe cà bicchir si l’avejie fatte, dendr all’Ape stejine strett, e alla prima curv s’appenn l’Ape da nù quart e s’arvotiche... Tutte li pummadore e li citrune sa spase ‘nmezze alla strade... Pepp si n’aveje sciite da nu quart e la moglije dall’atr... Coma Pepp s’arrizò da ‘nderre, subbito s’avvicinate all’Ape tutt preoccupat... L’armise ritt e je girò tonne, tonne pì vidè se s’avejie sfasciat... Coma vidette che l’Ape stejie bon, currò da la mojie chi steve angor ‘nderre e je diss:”Filumè, Filumè, arrizzit cà l’Ape ‘nza fatt niend”. Filumen, cà s’avejie scuppat tutte li jinucchie ma la cocce ie funziunev angor bon, ie diss: “Oh Pè, puzza fa bù bù, come nù can, possibbil che l’Ape è chiù ‘mburtand de la mojia tu?”

E Pepp ie arespose:”Filumè, chissciccis, chi ti nì scurdat chi l’Ape angor li finisce a pagà?”.

Coma a nat lu blogghe...

2012-01-23T13:32:48+01:00

L’atru jiurne stejie a la cantin a famme nù bicchier di vin a quand arrive nù pare di giuvanutt frastire e si metten a parlà di compiuter... Ie subbit sò appizzutat la recchie e mi sò mess a sentì quelle che stejina a dice... Parlejine tutt in taliano pulite e a nù cert punt une diceje all’atre:“Sai, ho appena creato un blog , un diario personale e pubblico. Personale perché è tuo e lo gestisci come vuoi, pubblico perché tutti lo possono leggere. Sul blog puoi pubblicare al volo i tuoi pensieri e i tuoi scritti”. Coma sò sindite stà cose, mi si nà scite ‘stà sclamazione:“Oppe la Majell!!!”. Li mammucciun si girin vers di me e ma guardine sbiguttit...

- “Ma addaver poss fa nà cos del gener ‘nghi lu compiuter?” je addumann.

E issi, sempre in taliano pulite:

- “Ma certo caro signore, è una cosa molto semplice!!!”.

- “Se te vaje a pià lu compiuter mi spiegh coma funzion?”

- “Perché no? Vada a prendere il suo portatile e le spiego tutto, lei poi è così simpatico”

Ie je vuleje dice: “E tu ‘nvece mi simbr nù mezz ricchione”, ma nin je le sò dett...

Sò arjite subbet a la cas ‘nghi lu trattor, sò pijate lu compiuter e sò turnat da li mammucciun...

Spieghe tu ca spieghe ie, beve tu ca beve ie, alla fin ie sò capit tutt ma issi ‘nzà mantinejine chiù ritt. Pe me hann arjite talment ‘mbriache a la case che stann angor a durmì...

Comunque, se n’ere pi isse, ie n’avess mai putut fa nà cos del gener.

Ie mò abbije a scriv caccose, dop videm chi succed...

Bona letture