Sotto le stelle

Bimbo era nu jattone janco cu ll'uocchie verde cumm' 'o scmeraldo. Capitaje nu juorno, pe' caso, int' 'o palazzo addò sta 'a casa mia. Bevette, primma, int' 'a ciotola cu ll'acqua che tengo fora 'a porta e, pò, s'accustaie sott' 'o raro pe' caccià cchiù meglie 'a capa a parte 'e rinto e nce sagliette a coppe. Madò, penzaie, verenn' 'a canella e correre a parta soja, chiste mò 'o patapate d'e mazzate se' danno sicuramente: s'i 'o jatto se ngrifa e 'a scippa, 'a cana 'o mozzeca e 'o scanna.Musso e musso, immece, s'adduraiene sott'all'arco d'a porta e doppo. comme si niente fosse, 'e ddoje bestie se guardaieno cu n'aria bbona. E ffuje accussi ca 0' jatto trasette dint'a casa. Certo nu steva fisso, ma jeve e veneva 'a miezo 'a via : a notte steve pe' fora, int'o quartiere e 'o juorno se ne veneva 'a casa mia.Mano mano c' 'otiempo passava, o Bimbo era sempe cchiò preciso. E sseie d'a matina, quanno s'arretirava, mme chiammava: e vvote 'a fora o' barcone d'a stanza e lietto pè ddò s'arrampecava j'è vvote 'a vascia 'a casa addò se fermava. S'je 'o sentevo subbeto, 'o rapevo p'o fa trasi' ma si nò quanno me susevo 'o truvavo durmenno o fora o' barcone addò s'era arrampecato, o abbascio ncoppa 'a seggia addò era sagliuto.Nunn'appena senteve 'o scarpiso fra veglia e suonnose muveva nu poco e continuava a durmi'. Quanno,immece, ll'arapevo a tiempo, s'abbiava una tirata int'a' cucina, se strusciava e se ntalliava pe' de nanz' e piere pecchè vuleva magnà quac'cosa. E je nce devo chello ca me truvavo d'a sera primma si no, ll'arrangiavo cu e furmaggine. Quanti vote veneva fatto male de scippe o de muorze 'e ll'ate animale o, tutto nfuso e chiovere o spuorco e grasso e machine. Ma, addu me, se senteva curato pecchè je mm'o guvernavo. ' O posto suoje era 'a seggia vacante e mamma mia: a cape tavola. 'O poste suoje pe' mod' 'e dicere nce se metteva all' ora e magnà e guardava 'a copp' 'a seggia ncopp'a tavola chella ca magnaveme nuje. E ll'aveva pur'isso a ppoco a vota. Pò quanno vedeva ca nce fermaveme e ce o' ddà, saglieva cu e zampe e namze ncoppa 'a tavola je cchijava sott'o pietto e rummanevaaccussi' assettato a guardà si nce asceva quacc'ata cosa. E nuie redevemo pecchè era aggrazziato è bello. E vvote vuleva veni' appriesso a mme quanno je ascevo d'a casa, m'accumpagnava fino a sotto all'androne d'o palazzo e, quanno turnavo, 'o truvavo ca m'aspettava fora 'a porta. Quann'era isso ca veneva 'a fora, accumminciava a mme chiammà da vicino 'o canciello cu na voce aveta e chiara ch'era 'na musica. Ie 'o sfuttevo quanno ll'arapevo o' telaro : Jamme, trase, te vuò movere, mme pare Pavarotti. Nu juorno ddoje cliente ascetteno 'a into addu me e o' Bimbo, ascette appriesso a lloro; nce cammenaje a ffianco fino a sott'o canciello:Gnao, lle dicette mentre se ne jeveno. Gesù, ll'accumpagnate e ll'ha pure salutate,penzaie.Accussi' nce facette caso ca no tutte ll'erano simpatiche. Saglieva ncoppa 'a tavola e se mette4va quase mpiette a cliente tutto accomodato,ma cu 'a faccia o lato e nanze ca guiardava a mmè ca mmiscavo e stennevo e carte pe' spiegà o consulto. Ma chi ll'era antipatico, se metteva ncopp'a seggia a capo 'e tavola pe' fatto d'e suoje. Mò 'o Bimbo stà felice pecchè è gghiute addò padrone suoje: finalmente stanno nzieme pe' ll'eternità.