EL VECIO BRIGANTEGhe gera ‘na volta (me nona contava) un vecio brigante che mai se lavava. El spetava ea gente da drio de un canton, pronto a caearghe un grosso baston. Ma un refoeo de vento, na baveta da riva quea bruta presenza de botto tradiva. Ea gente, inacorta, via prima svoltava, e iu drio dal canton el spetava… e spetava… Fin che na sera, col ciaro de luna, i lo ciapa e e i ghe fa un bel bagno in laguna. Se ti scolti, là in fondo, da drio del canton, ancora ti senti fisciar un baston… Se ti vardi con cura, su l’increspo de l’onda, ti pol ancor veder ea so barba che afonda. Anna Lia Giarolli