Napoli Tivù

Quanno  nascette  Napule

San Pietro nu bellu juorno,

tutto amariggiato e scuntento,

dicette vicin’‘o Pataterno:

“Me pare ca ce manca quacche cosa…

ncopp’‘a chesta terra, che saccio..

forze, addò uno se po’ arrepusà! ”

E s’‘o mettette sott’‘o braccio,

e comme  duje cumpagne

girajeno pe’ tutt’‘o munno:

pe’ cielo, mare ‘e muntagne

senza truvà ‘o riesto ‘e niente!

Quanno se facette sera,

a Pusilleco se fermajeno…

e sulo vedennelo ‘o scuro,

se ne annammurajeno!

Dio cu tutt’‘e ddoje mane…

pigliaje ‘nu quarto ‘e luna argiento…

e na vrancata ‘e stelle ‘e cchiù lucente

e allummaje ‘stu piezzo ‘e terra e mare,

e ppo’ ‘a pietto se scippaje ‘o core,

e’ o mettette llà : ‘Int’a muntagna,

addò ‘o ffuoco nun more maje,

danno vita, sapore e armonia

a  chistu piezzo ‘e Paraviso…

purtannélo tanta felicità e alleria!

Facennose nu pizzo a rriso…

San Pietro tutto cuntento  dicette :

“ Signò ce avite miso ‘o nomme?

mmo ‘stu paese comme se chiamma?

E ll’Onnipotente ‘o rispunnette:

“ Neapolis… Partenope…Napule…

a chesto ce penza ll’ommo!

“ Si Signò però tutte hanna sapè

ca  chistu paese ‘e ll’ammore

l’ha criato Dio… cu tutt’o core!”

Ciro Borrelli in arte Massenzio Caravita 

mi farebbe piacere partecipare ad un vostro progamma televisivo per declamare le mie poesie...(io sono anche l'autore di un dipinto fatto a penna che rappresenta Napoli con la scritta sopra NTV..e che sta (forse esposto nellufficio della direzione) GRAZIE!