occhiodivolpe

cu' st' uocchie blù maré ,
'sti pantaloni strìtte ,
rerènno cu' 'e cumpagne
gire e t' avuòte 'a ccà ..

te ggìre 'a parta mia ,
pare me vaje cercanno ,
e bballe 'o  tinghi tango
sì pe' te fa' guardà ...

r. me guarde , che guarde a ffà ?
io giro attuorno pe' te scanzà ,
me guarde , che vuò sapé ?
io nun te penzo , nun penzo a tté ...

jesce pe' tutt' 'e pparte ,
te trovo annanze a mmè ,
po' pe' mme fà dispietto
avuòte 'e spalle a mmé ...

si saglie 'e scale scìnne ,
pare ca  guarde 'ncielo
e cante 'na canzone
pe' fà schiattiglia a mmé

r. me guarde , che guarde a ffà ?
io giro attuorno pe' te scanzà ,
me guarde , che vuò sapé ?
io nun te penzo , nun penzo a tté ...

ma po' ce stanno 'e vvòte
ca staje cu' ll'uocchie triste ,
e seria e appecundruta
pare ca sì perduta ...

tanno nun sì cchiù guappa ,
me pare 'na criatura ,
pare ca dint' 'o core
tiène 'na malatìa ...

r. me guarde , io guardo a tté ,
e mm' 'e purtato addò vuo' tu ,
te guardo , che t' aggia dì ?
- viéneme 'mbraccio , fatte vasà ... -