occhiodivolpe

...

'a criatura ogge nun parla ?
sta assettata e sta chiagnenno
pecché 'a scola nun vò ì ?
vìre llà 'ncoppa internètt
va' 'nce 'o spia che vvuò sapé ...

vuò sapé si 'a malvarosa
quann' è vierno perde 'e ffoglie
o p' 'a pioggia è 'nfracetata ?
vìre llà 'ncoppa internètt
va' 'nce 'o spia che vvuò sapé ...

vuò sapé 'o quatto aùsto
si p' 'o treno p' istambùll
fanno 'o sconto a mmè e a tté ?
vìre llà 'ncoppa internètt
va' 'nce 'o spia che vvuò sapé ...

tiène 'a jatta appecundruta
cu' 'na recchia aizàta e ll' ata
mèza vascia ma 'ngialluta ?
vìre llà 'ncoppa internètt
va' 'nce 'o spia che vvuò sapé ...

tiéne 'o père che te pròre ,
c' è 'o bbidè che fa 'e singhiozze ,
uno ha ditto a ttè salàmm ?
vìre llà 'ncoppa internètt
va' 'nce 'o spia che vvuò sapé ...

ogni mmodo , ogni manèra ,
si quaccòsa nun 'a saje ,
vuò sapè 'nu fatto tuòjo
vìre llà 'ncoppa internètt
va' 'nce 'o spia che vvuò sapé ...