occhiodivolpe

m’ arricordo a chille tiempe
c’ ‘o filone fatto a scola ,
piglià ‘a varca a Marechiaro
‘nfino ‘o Parco a’ Rimembranza …

guardo ‘o mare e sò speruto
'e guardà sciulianno ‘a costa
r’ a Marina ‘nfino ‘o Vallone
e varchianno chiano chiano …

me n’ ascesse ‘a dint’ o puorto
e guardanneme ‘o Fortino ,
po’ ‘o Cunvento ‘ncoppa ‘o scoglio ,
e Trentova e appriesso ‘a Pastena …

sulo sulo sotto ‘o cielo …
e ogne tanto me cantasse
‘na canzone ‘e chelle antiche ,
una ‘e chelle ‘e mamma mia …

e aizànnome allerta
a vucà m’ arricriàsse
a sentì pe’ sotto ‘e piére
l’ ònna ca m’ accumpagnàsse …

che bbuò fà , pare ‘nu suonno ,
e pe’ mo stongo ‘o bbalcone
‘ncoppa ‘o mare , pare varca
senza remi pe’ vucà …..