'U patri, 'u figliu e 'u sceccu Un patri e un figliu si nni eru a travagliari,e 'u sceccu, pi la via , si vonziru purtari. Strata facennu la genti si misi a sparlari:“Hannu 'u sceccu... e a pedi stannu a caminari!”Sintennu ‘stu vuciu di li genti,pi fari 'na cosa ‘ntilligenti,a pedi ‘un vonziru cchiù caminarie ‘ncapu o sceccu vonziru acchianari. Strata facennu la genti si misi a sparlari:“Poviru sceccu! 'U stannu facennu scacciari!”Sintennu ‘stu vuciu di li genti,pi fari 'na cosa ‘ntilligenti,'u patri a pedi si misi a caminarie 'u figliu ci tuccà accravaccari. Strata facennu la genti si misi a sparlari:Mischinu! 'U patri a pedi ci tocca caminari!”Sintennu ‘stu vuciudi li genti,pi fari 'na cosa ‘ntilligenti,'u figliu a pedi si misi a caminarie 'u patri ci tuccà accravaccari. Strata facennu la genti si misi a sparlari:Mischinu! 'U figliu a pedi ci tocca caminari!”Sintennu ‘stu vuciu di li genti,pi fari na cosa ‘ntilligenti,tutti du' a pedi si misiru a caminarie 'u sceccu ‘ncoddru ci tuccà purtari. Ora senti bonu , si a stessa sorti ‘un vo’ passari:“A tutti ascunta, ma' u to pariri ‘un abbannunari.” (Pino Bullara)
Glossario HOME