Na volta quando che uno pensava ala Svessia a ghe vignèva subito in mente un toco de banda, alta, bionda, coi oci azuri, piena de fredo che no la spetàva altro che de essare scaldà dal mascio latino, mejo oncora se el gera anca bagnìn a Sotomarìna. Desso invesse el fascino nordico se ciama Ikea . Che po' nol ze altro che el nostro "marangòn". El faegnamèto del paese chel'ndava via de piala e de sega par farte, a pochi schei, i mobili de casa. Se te vardi el catalogo el pare un afàre, ma se te vè dentro al magazìn te sì rovinà. Te vè par conprare 'na carega e te vièn fora co tuta 'na cusìna, conpleta de tece, piati, tovaia, tende, candelabri e stecadenti. El ze l'efeto dela globalizassione, culture che se incontra, lingue che se smissia: zente de Montebeluna che se cata co zente de Solesìn e de Trebaseleghe ala cassa del 'Ikea . Montagne de schei che da ogni parte del Veneto taca girare, i se volta, i se mucia, i svola e po', te li trovi tuti ingrumà in Svessia, nel tacuìn del paròn del'Ikea . Un cò a gò provà a 'ndare anca mi al'Ikea (chea bruta vaca che me gà cunà!), e dopo tre ore de còa, so riussìo a catàre un posto nel "porchegio". I li ciàma cussì, parchè par catàre un posto te ghè da tirare tanti de chei porchi da sfinirte, e uno pì el gà la machina granda pì porchi el tira. Finalmente a so riussìo a entrare dentro al mega-marangòn . Gero sidià, ma i svedesi i gà pensà a tuto, eco pronto un bel bar tratorìa pien de ogni ben de Dio. Gavèvo sèn e i me gà dà poenta e renga che me sò bevù tuta l'aqua del Brenta inbutilià par l'ocasiòn e intanto el tacuìn taca a svodarse. Gavèvo bisogno de conprare 'na mensola e invesse, dopo aver girà do ore come un baùco pal magazìn, so vegnù fora co un salmòn del baltico. El bèo ze vegnù qu ando che so rivà casa, a gò verto el paco, e gò scoperto che el gera da montare!
Svessia
Na volta quando che uno pensava ala Svessia a ghe vignèva subito in mente un toco de banda, alta, bionda, coi oci azuri, piena de fredo che no la spetàva altro che de essare scaldà dal mascio latino, mejo oncora se el gera anca bagnìn a Sotomarìna. Desso invesse el fascino nordico se ciama Ikea . Che po' nol ze altro che el nostro "marangòn". El faegnamèto del paese chel'ndava via de piala e de sega par farte, a pochi schei, i mobili de casa. Se te vardi el catalogo el pare un afàre, ma se te vè dentro al magazìn te sì rovinà. Te vè par conprare 'na carega e te vièn fora co tuta 'na cusìna, conpleta de tece, piati, tovaia, tende, candelabri e stecadenti. El ze l'efeto dela globalizassione, culture che se incontra, lingue che se smissia: zente de Montebeluna che se cata co zente de Solesìn e de Trebaseleghe ala cassa del 'Ikea . Montagne de schei che da ogni parte del Veneto taca girare, i se volta, i se mucia, i svola e po', te li trovi tuti ingrumà in Svessia, nel tacuìn del paròn del'Ikea . Un cò a gò provà a 'ndare anca mi al'Ikea (chea bruta vaca che me gà cunà!), e dopo tre ore de còa, so riussìo a catàre un posto nel "porchegio". I li ciàma cussì, parchè par catàre un posto te ghè da tirare tanti de chei porchi da sfinirte, e uno pì el gà la machina granda pì porchi el tira. Finalmente a so riussìo a entrare dentro al mega-marangòn . Gero sidià, ma i svedesi i gà pensà a tuto, eco pronto un bel bar tratorìa pien de ogni ben de Dio. Gavèvo sèn e i me gà dà poenta e renga che me sò bevù tuta l'aqua del Brenta inbutilià par l'ocasiòn e intanto el tacuìn taca a svodarse. Gavèvo bisogno de conprare 'na mensola e invesse, dopo aver girà do ore come un baùco pal magazìn, so vegnù fora co un salmòn del baltico. El bèo ze vegnù qu ando che so rivà casa, a gò verto el paco, e gò scoperto che el gera da montare!